ବିହାରରେ ସେପ୍ଟେମ୍ବର ୨୮ରୁ ଖୋଲିବ ସ୍କୁଲ

ପାଟନା : କରୋନା ଭୂତାଣୁ ମହାମାରୀ ସାରା ବିଶ୍ଵକୁ କବଳିତ କରିଛି। ଏଥିରୁ ଭାରତ ମଧ୍ୟ ବାଦ୍ ପଡ଼ିନାହିଁ। ଭାରତରେ ଦିନମୁ ଦିନ ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଛି। ଏହାକୁ ଦୃଷ୍ଟିରେ ରଖି ଭାରତର ବିଭିନ୍ନ ରାଜ୍ୟରେ ସ୍କୁଲ କଲେଜ ବନ୍ଦ ରହିଛି । ତେବେ ଏହି ସମୟରେ ଏକ ରାଜ୍ୟ ସ୍କୁଲ ଖୋଲିବାକୁ ନିଷ୍ପତ୍ତି ନେଇଥିବାର ଖବର ସାମ୍ନାକୁ ଆସିଛି। ବିହାରରେ ସେପ୍ଟେମ୍ବର ୨୮ରୁ ସ୍କୁଲ ଖୋଲିବା ପାଇଁ ସରକାର ନିଷ୍ପତ୍ତି ନେଇଥିବା ଜଣାପଡ଼ିଛି। ସରକାରଙ୍କ ନିଷ୍ପତ୍ତି ଅନୁସାରେ ପିଲାମାନେ ସପ୍ତାହରେ ୨ ଦିନ ସ୍କୁଲ ଆସିବେ। ଏହି ସମୟରେ ୫୦ ପ୍ରତିଶତ ଶିକ୍ଷକ ଓ ସ୍କୁଲ କର୍ମଚାରୀ ବିଦ୍ୟାଳୟକୁ ଆସିବେ। ଏହି ନିୟମ ରାଜ୍ୟରେ ଉଭୟ ସରକାରୀ ଓ ଘରୋଇ ସ୍କୁଲ ପାଇଁ ଲାଗୁ କରାଯାଇଛି।

ଆହୁରି ମଧ୍ୟ କେବଳ ନବମରୁ ଦ୍ୱାଦଶ ଶ୍ରେଣୀ ଛାତ୍ର ହିଁ ବିଦ୍ୟାଳୟରେ ଅଧ୍ୟୟନ କରିବେ । ମାତ୍ର କରୋନା ଗାଇଡଲାଇନ୍ ମାନି ଶିକ୍ଷକ, କର୍ମଚାରୀ ଓ ଛାତ୍ରଛାତ୍ରୀଙ୍କୁ ସ୍କୁଲ ଆସିବାକୁ ହେବ। 

Comments are closed.