ବିହାର ଆଇପିଏସ ଅଧିକାରୀଙ୍କୁ କ୍ବାରେଣ୍ଟାଇନ ସେଣ୍ଟରରୁ ଛାଡ଼ିଲା ବିଏମସି

ପଟନା: ବୃହନମୁମ୍ବଇ ନଗର ନିଗମ(ବିଏମସି) ବିହାରର ଆଇପିଏସ ଅଧିକାରୀ ବିନୟ ତିୱାରୀଙ୍କୁ ଶୁକ୍ରବାର କ୍ବାରେଣ୍ଟାଇନ ସେଣ୍ଟରରୁ ଛାଡ଼ିଛି। ବିହାର ପୁଲିସ ପକ୍ଷରୁ ଏ ନେଇ ଚିଠି ଲେଖାଯିବା ପରେ ବିନୟଙ୍କୁ କ୍ବାରେଣ୍ଟାଇନ କେନ୍ଦ୍ରରୁ ଯିବାକୁ ବିଏମସି ଅନୁମତି ଦେଇଛି। ବିନୟ ଅଭିନେତା ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲାର ତଦନ୍ତ ପାଇଁ ମୁମ୍ବଇ ଯାଇଥିବାବେଳେ ପୁଲିସ ତାଙ୍କୁ ବାଧ୍ୟତାମୂଳକ ଭାବେ କ୍ବାରେଣ୍ଟାଇନ ସେଣ୍ଟରରୁ ପଠାଇ ଦେଇଥିଲା। ଏହାକୁ ନେଇ ମୁମ୍ବଇ ପୁଲିସର କାର୍ଯ୍ୟଶୈଳୀ ଉପରେ ପ୍ରଶ୍ନବାଚୀ ସୃଷ୍ଟି ହୋଇଥିଲା।

ତେବେ ବିଏମସି ବିନୟଙ୍କୁ ସର୍ତ୍ତମୂଳକ ଭାବେ କ୍ବାରେଣ୍ଟାଇନ ସେଣ୍ଟରରୁ ଛାଡ଼ିଛି। ତାଙ୍କୁ ଅଗଷ୍ଟ ୮ ସୁଦ୍ଧା ମୁମ୍ବଇ ଛାଡ଼ିବାକୁ କୁହାଯାଇଛି। ଏ ସମ୍ପର୍କରେ ବିନୟ କହିଛନ୍ତି, ବିଏମସି ମୋତେ ଟେକ୍‌ଷ୍ଟ ମେସେଜ ଜରିଆରେ କ୍ବାରେଣ୍ଟାଇନ ସେଣ୍ଟରରୁ ଯିବାକୁ ସୂଚିତ କରିଛି। ମୁଁ ଆଜି ପାଟନା ଚାଲିଯାଉଛି।

Comments
Loading...