‘ଭୂତ ପାର୍ଟ ୱନ୍‍: ଦ ହଣ୍ଟେଡ଼୍‍ ସିପ୍‍’ ଟ୍ରେଲର: ଭୟର ଜାଲରେ ଫସିଛନ୍ତି ଭିକି

ମୁମ୍ବଇ: ଭିକି କୌଶଲଙ୍କ ଅଭିନୀତ ଆଗାମୀ ଚଳଚ୍ଚିତ୍ର ‘ଭୂତ ପାର୍ଟ ୱନ୍‍: ଦି ହଣ୍ଟେଡ଼୍‍ ସିପ୍‍’ର ଟ୍ରେଲର ସୋମବାର ରିଲିଜ୍‍ ହୋଇଛି। ଚଳଚ୍ଚିତ୍ରରେ ଏକ ନୂଆ କାହାଣୀ ସହ ଛାତି ଥରାଇଳା ଭଳି ଭୟାନକ ଦୃଶ୍ୟ ଦେଖିବାକୁ ମିଳିଛି, ଯେଉଁଥିରେ କୌଣସି ପୁରୁଣା ଘର କିମ୍ବା ବସ୍ତି ପରିବର୍ତ୍ତେ ଏକ ହଣ୍ଟେଡ଼୍‍ ସିପ୍‍ର କାହାଣୀ ପ୍ରଦର୍ଶିତ ହୋଇଛି। କରଣ ଜୋହର ସାମାଜିକ ଗଣମାଧ୍ୟମରେ ଚଳଚ୍ଚିତ୍ରର ଟ୍ରେଲର ଶେୟାର କରିଛନ୍ତି।

‘ଭୂତ ପାର୍ଟ ୱନ୍‍: ଦି ହଣ୍ଟେଡ଼୍‍ ସିପ୍‍’ର କାହାଣୀ ଏପରି ଏକ ଜାହାଜ ଉପରେ ଆଧାରିତ, ଯାହା ପାଗ ଖରାପ ହେବା କାରଣରୁ ମୁମ୍ବଇର ଜୁହୁ ବିଚ୍‍ରେ ଆସି ଲାଗୁଛି। ଜାହାଜକୁ ଯାଞ୍ଚ କରିବା ପରେ ଜଣାପଡ଼ୁଛି ଯେ, ସି ବାର୍ଡ଼ ନାମକ ଏହି ଜାହଜ ହଣ୍ଟେଡ଼୍‍ ଅଟେ। ଭିକି ସି ବାର୍ଡ଼ର ସର୍ଭେ ଅଫିସର ପୃଥ୍ୱୀ ଭୂମିକାରେ ଅଭିନୟ କରିଛନ୍ତି। ଜାହାଜ ବିଷୟରେ ଜାଣିବାକୁ ସେ ତା’ ଭିତରକୁ ଯାଉଛନ୍ତି ଓ ସେଠାରେ ତାଙ୍କ ସହ କିଛି ଅଜବ ଘଟଣା ଘଟୁଛି। ଭାନୁ ପ୍ରତାପ ସିଂହଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ରରେ ଭିକିଙ୍କ ବ୍ୟତୀତ ଭୂମି ପେଡନେକର ଓ ଆଶୁତୋଷ ରାଣା ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି। ୨୧ ଫେବୃୟାରୀରେ ଏହି ଚଳଚ୍ଚିତ୍ର ପରଦାକୁ ଆସିବ।

Comments
Loading...