ଭଦ୍ରକ : ପୁଣି ଜବତ ହେଲା ବ୍ରାଉନସୁଗାର । ଭଦ୍ରକ ଜିଲା ବଙ୍କ ସାହି ସ୍ଥିତ ଭଦ୍ରକ ଜିଲ୍ଲା ସ୍କୁଲ ଗେଟ୍ ନିକଟରେ ଥିବା ଏକ ଘରେ ଚଢ଼ାଉ କରି କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗ ଶୁକ୍ରବାର ୧୮ ଗ୍ରାମ ବ୍ରାଉସୁଗାର ଜବତ କରିଥିବା ଜଣାପଡ଼ିଛି । ଜବତ ବ୍ରାଉନସୁଗାରର ମୂଲ୍ୟ ଦୁଇ ଲକ୍ଷ ଟଙ୍କା ହୋଇଥିବା ଅନୁମାନ କରାଯାଉଛି ।
ସୂଚନା ଅବନୁସାରେ, ବିଶ୍ୱସ୍ଥ ସୂତ୍ରରୁ ଖବର ପାଇ କେନ୍ଦ୍ରାଞ୍ଚଳ ଅବକାରୀ ଗୁଇନ୍ଦା ବିଭାଗ ଭଦ୍ରକ ଜିଲ୍ଲା ବଙ୍କ ସାହି ସ୍ଥିତ ଭଦ୍ରକ ଜିଲ୍ଲାସ୍କୁଲ ଗେଟ ନିକଟରେ ଏକ ଘରେ ଚଢ଼ାଉ କରିଥିଲେ । ଘର ଭିତରେ ଥିବା ୧୮ ଗ୍ରାମ ବ୍ରାଉନସୁଗାରକୁ ଜବତ କରିବା ସହ ବେପାର କରୁଥିବା ହରିଶ ଚନ୍ଦ୍ର ମହାନ୍ତି ଓରଫ ଲୁଲିଆକୁ ଗିରଫ କରିଛି । ଦୀର୍ଘଦିନ ଧରି ବ୍ରାଉନସୁଗାର ବେପାରୀ ହରିଶକୁ କେନ୍ଦ୍ରାଞ୍ଚଳ ଗୁଇନ୍ଦା ବିଭାଗ ଖୋଜୁଥିଲା ।
Comments are closed.