ତାଲାବନ୍ଦରେ ସଚେତନତା ସୃଷ୍ଟି, ଅସହାୟଙ୍କୁ ଖାଦ୍ୟ ବଣ୍ଟନ
ବ୍ରହ୍ମପୁର: ଦେଶରେ କୋରନା ତାର ତାଣ୍ଡବ ରୂପ ଦେଖାଇବାରେ ଲାଗିଛି। ଦିନକୁ ଦିନ ସଂକ୍ରମଣ ବଢିବା ସହ ବହୁ ଲୋକ ମୃତ୍ୟୁ ମୁଖକୁ ଚାଲିଗଲେଣି। ସଂକ୍ରମଣ ରୋକିବା ପାଇଁ ତାଲାବନ୍ଦ ଜାରି ହୋଇଛି । ଏହା ଫଳରେ ଅନେକ ଲୋକେ ଖାଦ୍ୟ ଯୋଗାଡ଼ ପାଇଁ ମଧ୍ୟ ଅସୁବିଧାର ସମ୍ମୁଖିନ ହେଉଛନ୍ତି। ବହୁ ବାସହିନ, ନିରାଶ୍ରୟୀ ଓ ଅସହାୟମାନେ ବି ଭୋକ ଉପାସରେ ଦିନ କାଟୁଛନ୍ତି। ଏହି ପରିସ୍ଥିତିରେ ସେମାନଙ୍କ ସହାୟକ ଭାବେ ଆଗେଇ ଆସିଛି କାହ୍ନା ଚାରିଟେବୁଲ ଟ୍ରଷ୍ଟ। ଟ୍ରଷ୍ଟର ସଦସ୍ୟ ବିଷ୍ଣୁ ପ୍ରସାଦ ମହାପାତ୍ରଙ୍କ ଆର୍ଥିକ ସହାୟତା କ୍ରମେ ଶନିବାର ବ୍ରହ୍ମପୁର ବଡ଼ ମେଡ଼ିକାଲ ପରିସରରେ ଥିବା ଭୋକିଲା ନିରାଶ୍ରୟୀ ଓ ଗରିବ ଶ୍ରେଣୀର ଲୋକମାନଙ୍କୁ ରନ୍ଧା ଖାଦ୍ୟ, ଶୁଖିଲା ଖାଦ୍ୟ, ତୁଣ୍ଡି, ବିଶୋଧନ ସାମଗ୍ରୀ ବଣ୍ଟନ କରାଯିବା ସହିତ ଲୋକମାନଙ୍କୁ କୋରନା ସଚେତନତା ବାର୍ତ୍ତା ଦେଇଛନ୍ତି।
କାର୍ଯ୍ୟକ୍ରମରେ ଟ୍ରଷ୍ଟର ପ୍ରତିଷ୍ଠାତା ରଞ୍ଜନା ମିଶ୍ରଙ୍କ ନେତୃତ୍ୱରେ ରବୀନ୍ଦ୍ରନାଥ ମିଶ୍ର, ବିଜୟ କୃଷ୍ଣ ମହାନ୍ତି, ସ୍ବର୍ଣ୍ଣାଲତା ସାହୁ, ବି. ସତୀଶ କୁମାର, ବଂଶୀଧର ଦାସ, ଦିଲୀପ ମହାପାତ୍ର, ରାକେଶ ସିଂ ଦେଓ, ସୁନୀଲ କୁମାର ସାହୁ, ମୃତ୍ୟୁଞ୍ଜୟ ମହାନ୍ତି, ଶିଖା ସୁମନ ପାତ୍ର, ସୋନମ ଦାସ,ପି. ସରୋଜ ପାତ୍ର, ସତ୍ୟଶ୍ରୀ, ସୁମନ ଜ୍ୟୋତି ମହାପାତ୍ର ପ୍ରମୁଖ ଉପସ୍ଥିତ ଥିଲେ।
Comments are closed.