ଭୋଜନ ତାଲିକାରେ ପିଆଜ ସାମିଲ କରିବା ଦ୍ବାରା ଶରୀରକୁ ଅନେକ ଲାଭ ମିଳିଥାଏ । ନିୟମିତ ସାଲାଡ୍ ଭାବେ ପିଆଜ ଖାଇବା ଦ୍ବାରା ମଧୁମେହ, ହୃଦଘାତ ଓ କର୍କଟ ଭଳି ରୋଗରୁ ରକ୍ଷା ମିଳିଥାଏ । ଏହା ବ୍ୟତୀତ କଞ୍ଚା ପିଆଜ ତ୍ବଚା ପାଇଁ ମଧ୍ୟ ଉତ୍ତମ ଅଟେ । ପିଆଜ ପାଚନ ପ୍ରକ୍ରିୟାକୁ ସଠିକ୍ ରଖିବା ସହ ପେଟ ଜନିତ ସମସ୍ୟାକୁ ଦୂର କରିଥାଏ । ଏହାସହ ଖରା ଦିନେ କଞ୍ଚା ପିଆଜ ଖାଇବା ଅତ୍ୟନ୍ତ ଜରୁରୀ ଅଟେ । ତେବେ ଆସନ୍ତୁ କଞ୍ଚା ପିଆଜ ଖାଇବାର ଲାଭ ସମ୍ପର୍କରେ ଜାଣିବା …..
କଞ୍ଚା ପିଆଜ ଖାଇବା ଦ୍ବାରା ହୁଏ ନାହିଁ କର୍କଟ ରୋଗ
ପିଆଜରେ କ୍ୟାନସର ସେଲକୁ ନଷ୍ଟ କରିବାର କ୍ଷମତା ରହିଥାଏ । ପିଆଜ ଶରୀରରେ କ୍ୟାନସର ସେଲକୁ ବଢିବାକୁ ଦିଏ ନାହିଁ । ତେଣୁ ଭୋଜନରେ ପିଆଜକୁ ସାଲାଡ୍ ଭାବେ ଖାଇବା ଦ୍ବାରା କର୍କଟ ରୋଗ ହେବାର ସମ୍ଭାବନା କମ୍ ଥାଏ ।
ହୃଦଘାତର ଆଶଙ୍କା କମ୍ ଥାଏ
ପିଆଜ ହୃଦୟକୁ ସୁସ୍ଥ ରଖିବାରେ ସାହାଯ୍ୟ କରେ । ପିଆଜ ରକ୍ତକୁ ପତଳା କରିଥାଏ । ଯାହା ଫଳରେ ରକ୍ତ ସଞ୍ଚାଳନ ଠିକ୍ ହୋଇଥାଏ । ଏହା ଦ୍ବାରା ହୃଦଘାତ ଆଶଙ୍କା କମ୍ ଥାଏ ।
ମଧୁମେହ ରୋଗରୁ ରକ୍ଷା କରେ
ଭୋଜନ ତାଲିକାରେ ପିଆଜ ସାମିଲ କରିବା ଦ୍ବାରା ମଧୁମେହ ରୋଗ ହେବାର ସମ୍ଭାବାନା କମ୍ ଥାଏ । ପିଆଜରେ ସଲଫର ଯୋଗିକ ଗୁଣ ରହିଥାଏ । ପିଆଜ ରକ୍ତର ଶର୍କରା ସ୍ତରକୁ ମଧ୍ୟ ଠିକ୍ ରଖିଥାଏ । ଏହା ସହ ପାଚନ ପ୍ରକ୍ରିୟା ସଠିକ୍ ରହିଥାଏ ।
ଆଖି ପାଇଁ ଉତ୍ତମ
ପିଆଜ ଆଖି ପାଇଁ ମଧ୍ୟ ଲାଭକାରୀ । କଞ୍ଚା ପିଆଜ ଖାଇବା ଦ୍ବାରା ଆଖିର ପ୍ରୋଟିନ୍ କୁହାଯାଇଥିବା ଗ୍ଲୁଟେଥିଅନ୍ ଶରୀରରେ ଅଧିକ ମାତ୍ରାରେ ବୃଦ୍ଧି ହୋଇଥାଏ । ଯାହା ଆଖିକୁ ସୁସ୍ଥ ରଖିଥାଏ ଏବଂ ଏହା ଦ୍ବାରା ଆଖି ଜନିତ ସମସ୍ୟା ହୋଇନଥାଏ ।
ସୁସ୍ଥ ତ୍ବଚା ଓ କେଶ ପାଇଁ ପିଆଜର ଭୂମିକା
ପିଆଜରେ ଭିଟାମିନ୍ ସି ଭରପୁର ମାତ୍ରାରେ ରହିଥାଏ । ଏହା ସହ ଏଥିରେ ପ୍ରୋଟିନ୍ ଓ ପୋଟାସିୟମ ଅଧିକ ମାତ୍ରାରେ ରହିଥାଏ । ଯାହା ତ୍ବଚା ଓ କେଶ ପାଇଁ ମଧ୍ୟ ଲାଭଦାୟକ ହୋଇଥାଏ ।
ଖରା ଦିନ ପାଇଁ ପିଆଜ ଉପକାରୀ
ପ୍ରଚଣ୍ଡ ଗ୍ରୀଷ୍ମ ପ୍ରଭାବରେ କିଛି ଲୋକଙ୍କ ନାକରୁ ରକ୍ତ ବାହାରିବା ଭଳି ସମସ୍ୟା ଦେଖିବାକୁ ମିଳେ । ଏଭଳି ପରିସ୍ଥିତିରେ ଯଦି ପ୍ରତିଦିନ ଗୋଟିଏ କଞ୍ଚା ପିଆଜ ଖାଇବେ ତେବେ ନାକରୁ ରକ୍ତ ବାହାରିବା ବନ୍ଦ ହୋଇଯିବ ।