ଶୀତଦିନିଆ କଅଁଳ ଖରା ସ୍ୱାସ୍ଥ୍ୟ ପାଇଁ ଅମୃତ ସମାନ

ଶୀତଦିନ ଆରମ୍ଭ ହେଲାଣି। ଏହି ଋତୁରେ କଅଁଳ ଅଥବା ପ୍ରାତଃ ସମୟର ଖରା ସ୍ୱାସ୍ଥ୍ୟ ପାଇଁ କୌଣସି ଅମୃତ ଠାରୁ କମ ନୁହେଁ। ଏହା ଆନନ୍ଦଦାୟକ ହେବା ସହ ଏହା ସ୍ୱାସ୍ଥ୍ୟ ଓ ଆପଣଙ୍କ ତ୍ୱଚା ପାଇଁ ଖୁବ ଲାଭଦାୟକ। ଜାଣନ୍ତୁ ଶୀତଦିନ ଖରାର ୫ଟି ଆଶ୍ଚର୍ଯ୍ୟଜନକ ଲାଭ ବିଷୟରେ…..
ଶୀତ ଦିନରେ ସାଧାରଣତଃ ଆଳସ୍ୟ ଅନୁଭବ ହୋଇଥାଏ। ତେଣୁ ନିୟମିତ କଅଁଳ ଖରାରରେ ରହିବା ଦ୍ୱାରା ଏହି ସମସ୍ୟାରୁ ମୁକ୍ତି ମିଳିଥାଏ। ମନ ପ୍ରଫୁଲ୍ଲ ରହିଥାଏ। କାର୍ଯ୍ୟରେ ଆଗ୍ରହ ଆସିଥାଏ। ଶକ୍ତି ମଧ୍ୟ ଯୋଗାଇଥାଏ।
ତ୍ୱଚା ଓ ଚର୍ମ ଜନିତ କେତେକ ସମସ୍ୟା ଦୂର ପାଇଁ ଏହି ସମୟର ଖରା ପ୍ରାକୃତିକ ଭାବେ ବେଶ ହିତକାରକ। ଏହା ତ୍ୱଚାକୁ ସୁସ୍ଥ ରଖିବାରେ ସାହାଯ୍ୟ କରିଥାଏ।
ଏହି ଖରା ମାଂସପେଶୀକୁ ଓ ଶରୀରର ଭିତର ଅଂଶକୁ ମଧ୍ୟ ଆବଶ୍ୟକ ପରିମାଣରେ ଉଷ୍ଣତା ପ୍ରଦାନ କରିଥାଏ।
ସକାଳ ସମୟରେ ଏହି ଖରାରରେ ରହିବା ଦ୍ୱାରା ଆଉ ସେବନ କରୁଥିବା କ୍ୟାଲସିୟମ ଜନିତ ବିଭିନ୍ନ ଖାଦ୍ୟରେ ଶୋଷିତ ହେଉଥିବା ପୋଷକ ତତ୍ତ୍ୱକୁ ଏହା ସଠିକ ପରିମାଣରେ ଶରୀର ମଧ୍ୟରେ ନିୟୋଜିତ ହେବାକୁ ସାହାଯ୍ୟ କରିଥାଏ।
ଏହା ଶରୀରରେ ହେଉଥିବା ବିଭିନ୍ନ ଯନ୍ତ୍ରଣାକୁ ଦୂର କରିବା ସହ ଥକ୍କାପଣ ଦୂର କରିଥାଏ। ଯାହାର ସୁପ୍ରଭାବ ଆମ ତ୍ୱଚା ଉପରେ ମଧ୍ୟ ପଡିଥାଏ। ଏହା ଆତ୍ମବିଶ୍ୱାସ ମଧ୍ୟ ବୃଦ୍ଧି କରିଥାଏ।

 

Comments
Loading...