ଚୀନର ପାଲଟା ମାଡ଼ : ସ୍ବାଇନ-ଫ୍ଲୁ ଓ ଏଡସ ବ୍ୟାପିବା ପାଇଁ ଆମେରିକା ଦାୟୀ

ବେଜିଂ: କରୋନାକୁ ନେଇ ଚୀନ୍ ଏବେ ବିଶ୍ବ ସମୁଦାୟ ନିକଟରେ ଏକଘରିକିଆ । ଆମେରିକା ଓ ୟୁରୋପୀୟ ଦେଶଗୁଡ଼ିକ କରୋନା ସଂକ୍ରମଣ ପାଇଁ ଚୀନକୁ ଦାୟୀ କରିଛନ୍ତି । ଜର୍ମାନ ୧୩୦ ବିିଲିୟନ ଡ଼ଲାର କ୍ଷତିପୂରଣ ଚୀନଠାରୁ ଦାବି କରିଛି । ଫ୍ରାନ୍ସ, ଇଂଲଣ୍ଡ ଚୀନକୁ ପରିଣାମ ଭୋଗିବାକୁ ସତର୍କ ରୁହ ବୋଲି ଚେତାବନୀ ଦେଇଛନ୍ତି । ଏପରିକି ଚୀନ୍ ବିରୋଧରେ କଠୋର ପଦକ୍ଷେପ ଗ୍ରହଣ ପାଇଁ ଆମେରିକା ଦାବି କରିଛି । ହ୍ବାଇଟ୍ ହାଉସ ଚୀନ୍ କରୋନାକୁ ନେଇ ବେପାର କରୁଛି ବୋଲି ଅଭିଯୋଗ କରିଛି । ଏତେକାଳ ଚୁପ ରହିବା ପରେ ମୁହଁ ଖୋଲିଛି ଚୀନ । ଆମେରିକାକୁ ପାଲଟା ଧମକ ଦେବା ସହ ଏଚ୍୧ଏନ୍୧ ଭୂତାଣୁ (ସ୍ବାଇନ୍ ଫ୍ଲୁ) ଏଡ଼ସ ଲାଗି ଆମେରିକା କେତେ କ୍ଷତିପୂରଣ କାହାକୁ ଦେଇଛି ବୋଲି ପ୍ରଶ୍ନ କରିଛି ।

ଚୀନ୍ ବୈଦେଶିକ ମନ୍ତ୍ରଣାଳୟର ମୁଖପାତ୍ର ଗେଙ୍ଗ ଶୁଆଙ୍ଗ କହିଛନ୍ତି ଯେ ୨୦୦୯ ରେ ଏଚ୧ଏନ୧ ଫ୍ଲୁ ବିସ୍ତାର ହୋଇଥିଲା। ଏହା ୨୧୪ ଦେଶକୁ ବ୍ୟାପିଥିଲା । ଐଥିରେ ମଧ୍ୟ ବିଭିନ୍ନ ଦେଶ କ୍ଷତିଗ୍ରସ୍ତ ହୋଇଥିଲେ । ପ୍ରାୟ ୨ ଲକ୍ଷ ଲୋକ ଏହି ରୋଗରେ ମୃତ୍ୟୁବରଣ କରିଥିଲେ ।  ଆମେରିକାକୁ ଏଥିପାଇଁ କ୍ଷତିପୂରଣ ମଗାଯାଇଛି କି? ସେହିପରି ୧୯୮୦ ଦଶକରେ ଆମେରିକାରେ ଏଡସ୍ ଆବିଷ୍କୃତ ହୋଇଥିଲା ଏବଂ ଏହା ସମଗ୍ର ବିଶ୍ୱକୁ ବ୍ୟାପିଛି।  ତେଣୁ ଏଥିପାଇଁ ଆମେରିକା ଉତ୍ତରଦାୟୀ ହେବା ଉଚିତ ନୁହେଁ କି ବୋଲି ବେଜିଂ ପ୍ରଶ୍ନ କରିଛି ।