ବେଗୁନିଆ ବ୍ଲକରେ ଟିକାଦାନ ବନ୍ଦ

ବେଗୁନିଆ ବ୍ଲକରେ ଟିକାଦାନ ବନ୍ଦ

ବେଗୁନିଆ: ବେଗୁନିଆ ବ୍ଲକରେ କରୋନାର ଭୟାବହତlକୁ ଆଖି ଆଗରେ ରଖି ବେଗୁନିଆ ଏବଂ ହଜ ଉଚ୍ଚ ବିଦ୍ୟାଳୟରେ ୫୦ ଶଯ୍ୟା ବିଶିଷ୍ଟ ଦୁଇଟି ଟି ଏମ ସି ଖୋଲାଯାଇଛି। ଯେଉଁମାନେ କରୋନା ପଜିଟିଭ ଚିହ୍ନଟ ହେଉଛନ୍ତି କିମ୍ବା ବାହାର ରାଜ୍ୟରୁ ଆସୁଥିବା ପ୍ରବାସି ମାନେ ସେମାନଙ୍କ ଘରେ ରହିବାର ସୁବିଧା ନଥିଲେ ଏହି ଟି ଏମ ସି ରେ ରହିବା ପାଇଁ ବନ୍ଦୋବସ୍ତ କରାଯାଇଛି। କିନ୍ତୁ ବେଗୁନିଆ ଅଞ୍ଚଳକୁ ବହୁ ପ୍ରବାସି ଆସୁଥିବାବେଳେ ଏବଂ କରୋନା ପଜିଟିଭ ଘରେ କିମ୍ବା ଟି ଏମ ସି ରେ ନରହି ବଜାର ଘାଟରେ ଘୁରି ବୁଲୁଛନ୍ତି। ପ୍ରଶାସନ ଦ୍ୱାରା କରୋନା ପଜିଟିଭ ଠିକ ଭାବରେ ଚିହ୍ନଟ ହେଉନଥିବାବେଳେ ପ୍ରବାସି ମାନଙ୍କ ସମ୍ପର୍କରେ ସରକାରୀ ସ୍ତରରେ କୌଣସି ତଥ୍ୟ ରହୁନାହିଁ। ପଞ୍ଚାୟତ ନିର୍ବାହୀ ଅଧିକାରୀ ମାନଙ୍କ ପାଖରେ ଏ ସମ୍ପର୍କରେ ମଧ୍ୟ କୌଣସି ଖବର ରହୁନଥିବାର ଜଣାପଡିଛି l
ଅନ୍ୟପଟେ ବେଗୁନିଆ ବ୍ଲକର ବେଗୁନିଆ ,କଣ୍ଟାବାଡ଼ ଡ଼ାଳତୋଳା ଏବଂ ବୋତଳମା ଆଦି ୪ଟି ଟିକାକରଣ କେନ୍ଦ୍ରରେ ଟୀକା ଅଭାବ ଯୋଗୁ ଟିକାଦାନ ବନ୍ଦ ରହିଛି। ଏ ସମ୍ପର୍କରେ ଲୋକମାନଙ୍କୁ କୌଣସି ଆଗୁଆ ଖବର ଦିଆଯାଉନଥିବା ଯୋଗୁଁ ବହୁ ଜନସାଧାରଣ ସମ୍ପୃକ୍ତ କେନ୍ଦ୍ରଗୁଡିକୁ ଆସି ଅଯଥା ଖର୍ଚ୍ଚlନ୍ତ ହୋଇ ପ୍ରଚଣ୍ଡ ଖରାରେ ଟୀକା ନନେଇ ଫେରିବାକୁ ବାଧ୍ୟ ହେଉଛନ୍ତି। କରୋନାକୁ ପ୍ରତିହତ କରିବା ପାଇଁ ସରକାର ତୃଣମୂଳ ସ୍ତରରୁ କମିଟି କରି ଲୋକମାନଙ୍କୁ ସଚେତନ କରିବା ପାଇଁ ସରକାରୀ ନିର୍ଦେଶ ଥିବାବେଳେ କେବଳ କାଗଜ ପତ୍ରରେ ଲୋକମାନଙ୍କୁ ସଚେତନ କରାଯାଉଥିବାର ଜଣାପଡିଛି l
Comments
Loading...