ବେଗୁନିଆ: ଦୀପତଳ ଅନ୍ଧାର ଭଳି ଅନ୍ୟ ଜିଲ୍ଲାରେ ମଣ୍ଡି ଖୋଲାଯାଇ ସାରିଥିବା ବେଳେ ଆଜି ପର୍ଯ୍ୟନ୍ତ ଖୋର୍ଦ୍ଧା ଜିଲ୍ଲାରେ ମଣ୍ଡି ଖୋଲା ଯାଇପାରି ନାହିଁ। ଫଳରେ ଚାଷୀମାନେ ଅମଳ କରିଥିବା ଧାନର ଉଚିତ ମୂଲ୍ୟ ନପାଇ ଧାର କରଜ ସୁଝିବା ଆଶାରେ ଶାଗ ମାଛ ଦରରେ ବେପାରୀମାନଙ୍କୁ ବିକ୍ରି କରିବାକୁ ବାଧ୍ୟ ହେଉଛନ୍ତି। ମଣ୍ଡି ଖୋଲିବାରେ ବିଳମ୍ବ ଯୋଗୁଁ ଆଜି ଗଡମାଣତୀର, ହୀରାପୁର ଗୋବିନ୍ଦପୁର ଏବଂ ବୋତଳମା ପଞ୍ଚାୟତର ପ୍ରାୟ ୨ ଶହ ଚାଷୀ ଗଡ଼ମାଣତୀର ସେବା ସମବାୟ ସମିତି ଗୋଦାମ ଗୃହ ଘରେ ଏକତ୍ରିତ ହୋଇ ମଣ୍ଡି ଖୋଲିବା ଦାବିରେ ଆଲୋଚନା କରିଥିଲେ।
ମଣ୍ଡି ଶୀଘ୍ର ନଖୋଲିବା ଯୋଗୁଁ ଚାଷୀମାନେ ବିଭିନ୍ନ ବାଟରେ କ୍ଷତି ସହୁଛନ୍ତି ।ହାତୀ ଉପଦ୍ରବ ଯୋଗୁଁ ଗଦା ଧାନ କିମ୍ବା ବେଙ୍ଗଳା ଧାନ ନଷ୍ଟ ହେଉଛି। ଏ ଦିଗରେ ପ୍ରଶାସନ ନୀରବଦ୍ରଷ୍ଟା ସାଜିଛି। ଚାଷୀମାନେ ଏକତ୍ରିତ ହୋଇ ତୁରନ୍ତ ମଣ୍ଡି ଖୋଲିବା ପାଇଁ ଦାବି କରିଥିଲେ। ନଚେତ ଆଗାମୀ ଦିନରେ ଚାଷୀମାନେ ଆନ୍ଦୋଳନ କରିବେ ବୋଲି ସେବା ସମବାୟ ସମିତି ସମ୍ପାଦକ ମାନସ ଛୋଟରାୟଙ୍କୁ କୃଷକ ନେତା ନିବାସ ସୁନ୍ଦରାୟ ,ଲୋଚନ ରାଉତରାୟ, ଗୋପବନ୍ଧୁ ରଣସିଂହ ଏବଂ ଶିଶିର ରାଉତରାୟ ପ୍ରମୁଖ ଚାଷୀମାନଙ୍କ ସହିତ ଆଲୋଚନାରେ ଭାଗ ନେଇ ଜଣାଇଥିଲେ। ସେବା ସମବାୟ ସମିତି ସମ୍ପାଦକ ଶୀଘ୍ର ମଣ୍ଡି ଖୋଲିବା ପାଇଁ ଜିଲ୍ଲା ଯୋଗାଣ ଅଧିକାରୀଙ୍କ ଦୃଷ୍ଟି ଆକର୍ଷଣ କରିବେ ବୋଲି କହିଥିଲେ।
Comments are closed.