ବେଗୁନିଆ: ବେଗୁନିଆ ଥାନା ଅନ୍ତର୍ଗତ ଠଣାପଲ୍ଲୀ ଗ୍ରାମର ଆରାଧ୍ୟା ଦେବୀ ମା କାଳିକା ଠାକୁରାଣୀଙ୍କ ପୀଠସ୍ଥଳୀରେ ମାଙ୍କରଷୋଡଶ ଉପଚାର ପୂଜା ସହିତ ବିଶ୍ୱଶାନ୍ତି ହୋମ ଅନୁଷ୍ଠିତ ହୋଇଯାଇଛି। ଏଥିରେ ଯଜ୍ଞାଚାର୍ଯ୍ୟ ଯୋଗେଶଚନ୍ଦ୍ର ନନ୍ଦଶର୍ମା ଯୋଗଦେଇ ବିଶ୍ୱଶାନ୍ତି ହୋମ କାର୍ଯ୍ୟ ସମ୍ପାଦନ କରିଥିଲେ। ମା‘ କାଳିକାଙ୍କ ଷୋଡଶ ଦିବସୀୟ ପୂଜା ସହିତ ଦେଶରେ ଶାନ୍ତି ତଥା ମହାମାରୀ କରୋନା କବଳରୁ ରକ୍ଷା କରିବା ପାଇଁ ହୋମ ଯଜ୍ଞର ଆୟୋଜନ କରାଯାଇଥିଲା। ପୂଜକ ହରିହର ମହାପାତ୍ର, ସର୍ବେଶ୍ୱର ମହାପାତ୍ର, ଭରତ ସାହୁ ଦଣ୍ଡମେଳଣର ଦଣ୍ଡୁଆ ବୃନ୍ଦ ଓ ଗ୍ରାମବାସୀଙ୍କ ପ୍ରତେକ୍ଷ ତତ୍ୱାବଧାନରେ ଏହି କାର୍ଯ୍ୟକ୍ରମ ଶାନ୍ତିଶୃଙ୍ଖଳାର ସହିତ ଅନୁଷ୍ଠିତ ହୋଇଥିଲା। ରାତିରେ ନାମସଂକୀର୍ତନ କରାଯାଇଥିଲା। ଗ୍ରାମବାସୀ ଓ ଭକ୍ତବୃନ୍ଦଙ୍କ ହରିବୋଲ ହୁଳହୁଳି ଧ୍ୱନିରେ ଏକ ଭକ୍ତି ଭରା ଭାବବିହ୍ଵଳ ପରିବେଶ ସୃଷ୍ଟି ହୋଇଥିଲା।
Comments are closed.