ଆବାସ ଯୋଜନାରେ ଘରଟିଏ ପାଇଁ ବାସହୀନ ବୃଦ୍ଧ ଦମ୍ପତ୍ତିଙ୍କ ଆକୁଳ ନିବେଦନ

ନବରଙ୍ଗପୁର : ନବରଙ୍ଗପୁର ଜିଲ୍ଲା ସଦର ମହକୁମା ପୌରାଞ୍ଚଳ ୧୪ ନଂ ୱାର୍ଡ ସେନାପତି ସାହିରେ ବାସ କରୁଥିବା ରଞ୍ଜନ ଖୁରା ବୟସ (୬୫) ପେସାରେ ଜଣେ ଦରଜି ସ୍ତ୍ରୀ ବାସନ୍ତୀ ଖୁରା (୬୨) ଉଭୟେ ସରକାରଙ୍କ ତରଫରୁ ପେନସନ ବାବଦରେ ୫୦୦ ଲେଖାଏଁ ପାଉଛନ୍ତି, ଅନ୍ତୋଦୟ ଯୋଜନାରେ ୩୫ କେଜି ଚାଉଳ ମିଳୁଛି। ଏକମାତ୍ର ପୁଅ ସରୋଜ ଖୁରା (୩୪) ଜଣେ ମାନସିକ ଭିନ୍ନକ୍ଷମ ଗତ ୨୦୦୨ ମସିହାରେ ସରୋଜ ନବରଙ୍ଗପୁର ମହାବିଦ୍ୟାଳୟରେ +୨କଳା ରେ ଅଧ୍ୟୟନ କରୁଥିବା ସମୟରେ ହଠାତ ମାନସିକ ପାଗଳ ହେବା ଲକ୍ଷଣ ଦେଖା ଦେଇଥିଲା। ଚିକିତ୍ସା କରିବାକୁ ଅସମର୍ଥ ଥିବା ଯୋଗୁଁ ସରୋଜ ର ଚିକିତ୍ସା ହୋଇପାରି ନଥିଲା। ଫଳରେ ଘରେ ବାପା ମା ଉପରେ ବୋଝ ହୋଇ ପଡ଼ିରହିଛି । ସାନ ଝିଅ ରୁବି ଖୁରା (୩୦) ନବରଙ୍ଗପୁର ମହିଳା ମହାବିଦ୍ୟାଳୟ ରେ +୨ ସାରିବା ପରେ +୩ ରେ ପଢିବା ପାଇଁ ଆର୍ଥିକ ଅବସ୍ଥା ନଥିବା ଯୋଗୁଁ ତତ୍କାଳୀନ ଜିଲ୍ଲାପାଳ ରୁପା ମିଶ୍ରଙ୍କ ସହାୟତା ରେ +୩ ରେ ଜଏନ କରି ୨୦୧୦ ରେ ବିଶାଖାପାଟଣା ରେ ବିଇଡି ଉତ୍ତୀର୍ଣ୍ଣ ହୋଇ କୋରାପୁଟ ଇନ୍ଦିରା ଗାନ୍ଧୀ ଓପନ ୟୁନିଭର୍ସିଟିରେ ଏମଏ ଇଂରାଜୀ ବିଭାଗରେ ସଫଳତାର ସହ ଉତ୍ତୀର୍ଣ୍ଣ ହୋଇ ଘରେ ରହି ଟିଉସନ କରି ୨ ପଇସା ରୋଜଗାର କରି ଭିନ୍ନକ୍ଷମ ଭାଇ ଏବଂ ବୃଦ୍ଧା ବାପା ଓ ମା ଙ୍କ ଦେଖାଶୁଣା କରୁଛନ୍ତି । ଆଜକୁ ୫୦ବର୍ଷ ହେବ ୧୪ ନମ୍ବର ୱାର୍ଡରେ ବେଞ୍ଜାମିନ ଟାକ୍ରି ନାମକ ଜଣେ ସଦ ହୃଦୟ ବ୍ୟକ୍ତିଙ୍କ ଜାଗାରେ ଗୋଟିଏ ମାଟିଘର କରି ରହିଆସୁଥିଲେ । ବର୍ତ୍ତମାନ ବେଞ୍ଜାମିନଙ୍କୁ ଆବାସ ଯୋଜନାରେ ଘର ମିଳିବାରୁ ଏମାନଙ୍କ ରହିବା ଘରକୁ ଭାଙ୍ଗି ବାଧ୍ୟ ହୋଇ ଏକ ଭଡ଼ାଘରେ ମାସିକ ୧୨ଶହ ଟଙ୍କାରେ ରହୁଛନ୍ତି ରଞ୍ଜନ ଖୁରାଙ୍କ ପରିବାର । ବର୍ତ୍ତମାନ ରଞ୍ଜନଙ୍କ ବୟସ ଅଧିକ ହୋଇ ଯାଇଥିବାରୁ ଦରଜି କାମରେ ଆଉ ଆଗଭଳି ରୋଜଗାର ହେଉ ନଥିବା ଯୋଗୁଁ ଝିଅର ରୋଜଗାର ଉପରେ ବୋଝ ହୋଇ ୩ଜଣ ପ୍ରାଣୀ କୁଟୁମ୍ଭ ଚଳୁଥିବା ବେଳେ ସରକାରଙ୍କ ଆବାସ ଯୋଜନାରେ ଘର ଟିଏ ପାଇଁ ଆକୁଳ ନିବେଦନ କରିଛନ୍ତି ।

 

Comments
Loading...