ଭୁବନେଶ୍ବର : ସାରା ବିଶ୍ବରେ ଆତଙ୍କ ଖେଳାଇଥିବା ମହାମାରୀ କରୋନା ଭାଇରସକୁ ମୁକାବିଲା କରିବା ପାଇଁ ସ୍ବତନ୍ତ୍ର ଟିମ୍ ଗଠନ କରିଛି ଭୁବନେଶ୍ବର ମହାନଗର ନିଗମ(ବିଏମସି) ଓ ଭୁବନେଶ୍ବର ଉନ୍ନୟନ କର୍ତ୍ତୃପକ୍ଷ (ବିଡ଼ିଏ) । ରାଜ୍ୟ ସରକାର କରୋନାକୁ ରାଜ୍ୟ ବିପର୍ଯ୍ୟୟ ଘୋଷଣା କରିବା ପରେ ବିଏମସି ଏବଂ ବିଡିଏ ପକ୍ଷରୁ ୩ଟି ସ୍ବତନ୍ତ୍ର ଟିମ୍ ଗଠନ କରାଯାଇଛି। ରାଜଧାନୀ ଭୁବନେଶ୍ବରରେ ଏଥିପାଇଁ ଦୁଇ ଜଣ ବରିଷ୍ଠ ଅଧୀକାରୀଙ୍କୁ ମଧ୍ୟ ଦାୟିତ୍ବ ଦିଆଯାଇଥିବା କହିଛନ୍ତି ବିଏମସି କମିଶନର ପ୍ରେମଚାନ୍ଦ ଚୌଧୁରୀ। ଏହି ଟିମ୍ ରାଜଧାନୀ ଭୁବନେଶ୍ବରେ ସରକାରଙ୍କ ନିର୍ଦେଶ ଅନୁସାରେ ସ୍କୁଲ, କଲେଜ, ସିନେମା ହଲ ଓ ଜିମ୍ ଆଦି ବନ୍ଦ ରହିଛି କି ନାହିଁ ତାହାର ଯାଞ୍ଚ କରିବେ । ଏହି ଟିମ୍ ପ୍ରତିଦିନ ସକାଳେ ରାଜଧାନୀର ସଫେଇ କାର୍ଯ୍ୟକୁ ମଧ୍ୟ ତଦାରଖ କରିବେ ବୋଲି ସୂଚନାମିଳିଛି।
ସେହିପରି କରୋନା ପ୍ରଭାବ ପାଇଁ ଭୁବନେଶ୍ବରରେ ମାସ୍କ ଓ ସାନିଟାଇଜର ବହୁଳ ବ୍ୟବହାର କରୁଥିବା ଦେଖାଯାଇଛି। ଏହାରି ମଧ୍ୟରେ ରାଜଧାନୀର କେତେଜଣ ବ୍ୟବସାୟୀ ଏହି ସାନିଟାଇଜର ଓ ମାସ୍କ ଚଢାଦରରେ ବିକ୍ରି କରୁଥିବା ଦେଖିବାକୁ ମିଳିଛି। ଏହି ଟିମ୍ ମଧ୍ୟ ସେହିସବୁ ସାମଗ୍ରୀର କଳାବଜାର ରୋକିବା ପାଇଁ ମେଡିସିନ୍ ଷ୍ଟୋର ଉପରେ ଅଚାନକ ଚଢଉ କରିବ। ଏହି ଟିମର ଅଧିକାରୀମାନେ ମଧ୍ୟ କଳାବଜାରୀ କରୁଥିବା ଲାଭଖୋର ବ୍ୟବସାୟୀମାନଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବେ।
Comments are closed.