ଭୁବନେଶ୍ୱର : ପ୍ରଦେଶ ଛାତ୍ର କଂଗ୍ରେସ ପକ୍ଷରୁ କଂଗ୍ରେସଭବନରେ ଶନିବାର ଏକ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା। ଆଜିର ଏହି କୋରନା ମହାମାରୀ ସମୟରେ ସାଧାରଣ ରୋଗୀଙ୍କ ପାଇଁ ରକ୍ତର ଆବଶ୍ୟକତା ଜରୁରୀ ହୋଇପଡିଛି ସେତିକିବେଳେ ଯେତିକି ସଂଖ୍ୟକ ରକ୍ତ ମିଳିବା କଥା ଆବଶ୍ୟକତା ମୁତାମକ ସେତିକି ରକ୍ତ ଭଣ୍ଡାରରେ ମିଳୁନାହିଁ । ଅସୁବିଧାକୁ ଦୃଷ୍ଟିରେ ରଖି ଶନିବାର ଓଡିଶା ଛାତ୍ର କଂଗ୍ରେସର ରାଜ୍ୟ ସଂଯୋଯକ ଆଦିତ୍ୟ ପ୍ରିତମ ଦାସଙ୍କ ନେତୃତ୍ୱରେ ରକ୍ତଦାନ ଶିବିରରେ ମୁଖ୍ୟଅତିଥି ଭାବେ ପିସିସି ସଭାପତି ଶ୍ରୀଯୁକ୍ତ ପଟ୍ଟନାୟକ ଯୋଗ ଦେଇ ରକ୍ତ ଦାନ କରି ଏକ ମହତ କାମ କରିଥିବାରୁ ଛାତ୍ରନେତା ମାନଙ୍କୁ ଧନ୍ୟବାଦ ଓ ସାଧୁବାଦ ଜଣାଇବା ସହ ଭୁୟସୀ ପ୍ରଂଶସା କରିଥିଲେ। ଅନ୍ୟମାନଙ୍କ ମଧ୍ୟରେ ବିଧାୟକ ସୁରେଶ କୁମାର ରାଉତରାୟ, ଶୁଭେନ୍ଦୁ ମହାନ୍ତି , ଜ୍ଞାନଦେବ ବେଉରା, ମନୋରଞ୍ଜନ ଦାସ ,ଅଭିଷେକ ମହାନନ୍ଦ,ଦୀପକ ମହାପାତ୍ର ,ନରେଶ ମହାନ୍ତି ଯୋଗଦେଇଥିବା ବେଳେ ଆଦିତ୍ୟ ପ୍ରିତମ ଦାସ , ନିରଞ୍ଜନ ନାୟକ , ସମ୍ଭବ ପଟ୍ଟନାୟକ, ସୌମ୍ୟରଂଜନ ଜେନା, ଦେବଶ୍ରୀ ବଳ ପ୍ରମୁଖ ୧୯ ଜଣ ଛାତ୍ର ନେତା ରକ୍ତ ଦାନ କରିଥିଲେ ।
Comments are closed.