ପୁଲିସ ବାହିନୀକୁ ସହଯୋଗର ହାତ ବଢ଼ାଇଲା ଇ-୫ ବିଜିନେସ ସଲ୍ୟୁସନ୍ସ ଟ୍ରଷ୍ଟ

ଭୁବନେଶ୍ବର : କରୋନା ମହାମାରୀ ପରିପ୍ରେକ୍ଷୀରେ ଆଗ ଧାଡ଼ିର ଯୋଦ୍ଧା ଭାବେ ପୁଲିସ ବାହିନୀ ଲକ ଡାଉନ, ସଟ ଡାଉନ ସମୟରେ କୌଣସି ପ୍ରତିକୂଳ ପରିସ୍ଥିତିକୁ ଭୃକ୍ଷେପ ନ କରି ସାଧାରଣ ଜନତାଙ୍କ ସୁରକ୍ଷା, ସଂକ୍ରମଣରୁ ରକ୍ଷା ଆଦି ପାଇଁ ମାନନୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସାମାଜିକ ଦୂରତ୍ୱ ଆହ୍ୱାନକୁ ବଜାୟ ରଖିଛନ୍ତି ।  ଏହି କରୋନା ଯୋଦ୍ଧାଙ୍କୁ ଆଜି ସମଗ୍ର ମାନବ ସମାଜ ସମ୍ମାନ ଜଣାଉଛି ଏବଂ ବ୍ୟକ୍ତି ବିଶେଷରେ ତଥା ସାମାଜିକ ସ୍ତରରେ ବିଭିନ୍ନ ସାମାଜିକ ସଙ୍ଗଠନ ସହାୟତାର ହାତ ବଢ଼ାଇଛନ୍ତି । ଏଭଳି ଏକ ଘଡ଼ିସନ୍ଧି ମୁହୂର୍ତ୍ତରେ ଜନତାଙ୍କ ସୁରକ୍ଷା କରି ପୁଲିସ ବାହିନୀର ଭାଇ ଭଉଣୀମାନେ ମଧ୍ୟ ମହାମାରୀ କରୋନାର ଶିକାର ହେଉଛନ୍ତି । ସେମାନଙ୍କୁ ସମସ୍ତ ସାହାଯ୍ୟ ସହଯୋଗ କରିବା ଆମର ଧର୍ମ ଅଟେ । ଆଜି ଏହି ସଂକଳ୍ପରେ ବ୍ରତୀ ହୋଇ ଇ-୫ ବିଜିନେସ ସଲ୍ୟୁସନ୍ସ ଟ୍ରଷ୍ଟ ତରଫରୁ ନାନାଦି ଭିଟାମିନ ଟାବଲେଟ, ଓଆରଏସ ପ୍ୟାକେଟ ଏବଂ ସାନିଟାଇଜର ଭୁବନେଶ୍ୱର ସ୍ଥିତ କମିସନରେଟ ପୁଲିସ ମୁଖ୍ୟାଳୟ ଠାରେ ଡିସିପି ସାଗରିକ ନାଥଙ୍କ ଉପସ୍ଥିତିରେ ପୁଲିସ ଭାଇ ଭଉଣୀଙ୍କ ଉନ୍ନତ ସ୍ୱାସ୍ଥ୍ୟ ନିମନ୍ତେ ପ୍ରଦାନ କରାଯାଇଛି ।  ଏହି ଅବସରରେ ଇ-୫ ବିଜିନେସ ସଲ୍ୟୁସନ୍ସ ଟ୍ରଷ୍ଟର ଟ୍ରଷ୍ଟି ପ୍ରବୀଣ କୁମାର ପାଢ଼ୀ , ସୁଜାତା ପାଢ଼ୀ, ଈପସିତା ରଥ ଓ ଡ଼. ହେମନ୍ତ ରଥ ଉପସ୍ଥିତ ଥିଲେ ।

Comments
Loading...