ଭୁବନେଶ୍ୱର : ଭୁବନେଶ୍ୱର ସ୍ଥିତ ୪୨ନଂ ଓାର୍ଡ୍ୱ ର ମୋଚି ସାହି ଏକ ସହରୀ ତଳି ବସ୍ତି ଅଟେ। ଏହି ବସ୍ତିରେ ପ୍ରାୟ ୨୦୦୦ରୁ ଅଧିକ ଲୋକ ବସବାସ କରନ୍ତି। ଏହି ବସ୍ତିରେ ବାସ କରୁଥିବା ସମସ୍ତ ପରିବାରର ଅଳିଆକୁ ଗଦା କରିବା ପାଇଁ କୌଣସି ଖାଲି ସ୍ଥାନ ନ ଥିବାରୁ ବସ୍ତିର ମଧ୍ୟ ଭାଗରେ ଥିବା ମୟୁରୀ କ୍ଲବ୍ ସମ୍ମୁଖରେ ଅଳିଆ ଗୁଡିକୁ ଗଦା କରାଯାଉଥିଲା। କରୋନାର ଭୟାଭୟତାକୁ ଉପଲବ୍ଧ କରି ପ୍ରୟାସ ସିଙ୍ଗିଲ୍ ୱିଣ୍ଡୋ, ସି.ଏଫ୍.ଏ.ଆର୍ ଦ୍ୱାରା ତିଆରି କରାଯାଇଥିବା ସହାୟକ ବେଞ୍ଚ୍ ମୋଚି ସାହିର ସଦସ୍ୟା ମାନେ ସ୍ଥାନୀୟ ପୂର୍ବତନ କର୍ପୋରେଟରଙ୍କ ସହାୟତାରେ ବି.ଏମ୍.ସି ଅଧିକାରୀ ଏବଂ ପି.ଏମ୍.ୟୁର ସଫେଇ ସୁପର୍ ଭାଇଜରଙ୍କର ବାରମ୍ବାର ଦୃଷ୍ଟି ଆକର୍ଷଣ କରିଥିଲେ । ଏବେ ବି.ଏମ୍.ସିର ଅଳିଆ ସଫା ଗାଡି ଆସି ନିୟମିତ ଭାବରେ ବସ୍ତିରେ ପହଞ୍ଚୁଛି ଏବଂ ବସ୍ତିର ସମସ୍ତ ପରିବାର ନିଜ ନିଜର ଅଳିଆ ଆଣି ଗାଡିରେ ଜମା କରୁଛନ୍ତି। ଏବେ ସାହିର ପରିମଳ ଅବସ୍ଥା ଅତ୍ୟନ୍ତ ନିର୍ମଳ ରହିବା ସହିତ ସମସ୍ତ ବସ୍ତି ବାସିନ୍ଦା ଖୁସି ରହିଛନ୍ତି। ଏତେ ଦିନର ଅଳିଆ ଗଦା ବସ୍ତିରୁ ଉଠି ଯିବା ସହିତ ସାହିର ପରିବେଶ ସଫା ସୁତରା ରହି ପାରିବାରୁ ମୋଚି ସାହିର ହେଲ୍ପ୍ ଡେସ୍କର ସଦସ୍ୟା ଅନିତା ରେଡି, କେ.ରାଜେଶ୍ୱରୀ, ଝିଲିଲତା ପ୍ରଧାନ, ଏନ୍.ସୁଶିଳା ଏବଂ ପୂର୍ବତନ କର୍ପୋରେଟରଙ୍କୁ ବସ୍ତି ବାସିନ୍ଦା ଭୟସୀ ପ୍ରଶଂସା କରିବା ସହିତ ସି.ଏଫ୍.ଏ.ଆର୍ କୁ ମଧ୍ୟ ଧନ୍ୟବାଦ ଜଣାଇଛନ୍ତି।
Comments are closed.