ବରପାଲି: ବରପାଲି ବ୍ଲକ ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟ ପରିସରରେ ସହକାରୀ ଶିକ୍ଷକ ଉଦ୍ଧବ ଚରଣ ବେହେରାଙ୍କୁ ପରିଚାଳନା କମିଟି ପକ୍ଷରୁ ଅବସର କାଳିନ ବିଦାୟୀ ସମ୍ବର୍ଦ୍ଧନା ଦିଆଯାଇଛି। ମଙ୍ଗଳବାର ପୁର୍ବାହ୍ନରେ ସ୍କୁଲ ପ୍ରାଧାନ ଶିକ୍ଷକ ମନୋଜ କୁମାର ହରିପାଲଙ୍କ ସଭାପତିତ୍ୱରେ କାର୍ଯ୍ୟକ୍ରମଟି ପରିଚାଳିତ ହୋଇଥିଲା। ସମ୍ମାନିତ ଅତିଥି ଭାବରେ ସହକାରୀ ଶିକ୍ଷକ ଭରତଚନ୍ଦ୍ର ଗିରି,ଧରମପାଲ ସେଠ,ସୁଶିଲ କୁମାର ନାଏକ,ସରଧାପାଲି ଉଚ୍ଚ ବିଦ୍ୟାଳୟ ପ୍ରଧାନ ଶିକ୍ଷକ ମନୋଜ କୁମାର ବାରିକ ଓ ବନ୍ଧପାଲି ହାଇସ୍କୁଲ ପ୍ରଧାନ ଶିକ୍ଷକ ବୃନ୍ଦାବନ ମହାମଲ୍ଲିକ,ବିଦ୍ୟାଳୟର ପୁର୍ବତନ ଶିକ୍ଷକ ଭବାନୀ ଶଙ୍କର ସାହୁ ଓ ଶିକ୍ଷୟତ୍ରୀ ବନ୍ଦିତା ଦାସ ପ୍ରମୁଖ ମଞ୍ଚାଶିନ ହୋଇଥିଲେ। ଅତିଥି ମାନେ ବିଦାୟୀ ସହକର୍ମୀ ଶିକ୍ଷକଙ୍କ କାର୍ଯ୍ୟଶୈଳି, ମାନବିକତା, ଶୃଖଂଳାଗତ କାର୍ଯ୍ୟକଳାପ, ଛାତ୍ର ବତ୍ସଳତା ସହ ସହକର୍ମିଙ୍କ ସହ ସୁସମ୍ପର୍କ ସମ୍ବନ୍ଧରେ ଆଲୋକପାତ କରିଥିଲେ।
ପ୍ରଧାନଶିକ୍ଷକ ହରିପାଲ ବାବୁ ଉଦ୍ଧବ ବାବୁଙ୍କୁୁ ଉତ୍ତରିୟ ଓ ମାନପତ୍ର ପ୍ରଦାନ ମାଧ୍ୟମରେ ସମ୍ବର୍ଦ୍ଧିତ କରିଥିଲେ। ସହକାରୀ ଶିକ୍ଷୟତ୍ରୀ ସୁନିତା ପ୍ରଧାନ ଧନ୍ୟବାଦ ଅର୍ପଣ କରିଥିବା ବେଳେ ସହକାରୀ ଶିକ୍ଷକ ଭରତ କୁମାର ଗିରୀ ସ୍ୱାଗତ ଜଣାଇଥିଲେ। ପରିଚାଳନାରେ ସ୍କୁଲର ଶିକ୍ଷକ ଓ ଶିକ୍ଷୟତ୍ରୀମାନଙ୍କ ସହ କର୍ମଚାରୀ ମଣ୍ଡଳି ସହାୟତା କରିଥିଲେ। କୋଭିଡ଼ କଟକଣାକୁ ସମ୍ମାନ ଜଣାଇ କାର୍ଯ୍ୟକ୍ରମଟି ସଂଚାଳିତ ହୋଇଥିଲା।
Comments are closed.