ବାଙ୍କୀରେ ଅବକାରୀ ଚଢଉ, ୧୮୦୦ଲିଟର ପୋଚ ନଷ୍ଟ

ବାଙ୍କୀ: ସୋମବାର ଦିନ ସକାଳେ ବାଙ୍କୀ ଅବକାରୀ ବିଭାଗ ପକ୍ଷରୁ ବାଙ୍କୀ ବ୍ଲକ ବରପୁଟ ପଞ୍ଚାୟତ ଅନ୍ତର୍ଗତ ପଶାଣିଆ ଗ୍ରାମ୍ୟ ଜଙ୍ଗଲ ଅଞ୍ଚଳରେ ଚଢାଉ କରାଯାଇଛି। ଏଠାରେ ୧୮୦୦ଲିଟର ମଦରନ୍ଧା ପାଇଁ ପ୍ରସ୍ତୁତ ଥିବା ପୋଚକୁ ଜବତ କରାଯିବା ସହ ନଷ୍ଟ କରିଦିଆଯାଇଛି। ଏହି ଅଞ୍ଚଳର ୨ଟି ସ୍ଥାନରେ ଚଢାଉ କରାଯାଇ ବେଆଇନ ଭାବରେ ରନ୍ଧା ହେବାକୁ ଥିବା ମଦ ଉପକରଣକୁ ମଧ୍ୟ ନଷ୍ଟ କରାଯାଇଛି।
ସୂଚନା ଯୋଗ୍ୟ ଯେ ଏହି ଅଞ୍ଚଳରେ ବ୍ୟାପକ ଚୋରାମଦ ରନ୍ଧାଯାଉଥିବାର ଅଭିଯୋଗ ଭିତ୍ତିରେ ବାରମ୍ବାର ଚଢାଉ କରାଯାଉଥିଲେ ମଧ୍ୟ କୌଣସି ସୂତ୍ରରୁ ଖବର ପାଇ ଅଭିଯୁକ୍ତମାନେ ଖସି ପଳାଉଥିବାରୁ ଅବକାରୀ ବିଭାଗ କୌଣସି ଅଭିଯୁକ୍ତଙ୍କୁ ଗିରଫ କରିବାରେ ସକ୍ଷମ ହେଉନାହିଁ। ଏହି ଚଢାଉରେ ବାଙ୍କୀ ଅବକାରୀ ବିଭାଗ ଅଧିକାରୀ ଟେଲେସପର ଲାକ୍ରା, ଏଏସଆଇ ଦୀପକ କୁମାର ସାମଲ, କନେଷ୍ଟବଳ ସଞ୍ଜୟ କୁମାର ରାଉତ, ସନ୍ତୋଷ କୁମାର ମହାରଣା, ଗୀତାଞ୍ଜଳି ବେହେରା ପ୍ରମୁଖ ସାମିଲ ଥିଲେ। ସୂଚନାଯୋଗ୍ୟ ଯେ ଅକ୍ଟୋବର ୭ତାରିଖ ଦିନ ମଧ୍ୟ ଏହି ପରି ଏକ ଚଢାଉରେ ୨୫୦୦ ଲିଟର ପୋଚ ଜବତ କରାଯାଇ ନଷ୍ଟ କରାଯାଇଥିଲା।

Comments
Loading...