ସେବା ଓ ସେବକ ସପ୍ତାହ ଅବସରରେ ପ୍ରତିଯୋଗୀଙ୍କୁ ପୁରସ୍କାର

ବାଙ୍କୀ: ଗୁରୁବାର ‘ସମାଜ’ ପକ୍ଷରୁ ପାଳନ କରାଯାଉଥିବା ସେବା ଓ ସେବକ ସପ୍ତାହ ପାଳନ ଅବସରରେ ସ୍ଥାନୀୟ ଦଧିବାମନଜୀଉ ମଧ୍ୟ ଇଂରାଜୀ ବିଦ୍ୟାଳୟରେ ଏକ ପୁରସ୍କାର ବିତରଣ ଉତ୍ସବ ଅନୁଷ୍ଠିତ ହୋଇଯାଇଛି। ବୁଧବାରରେ ବିଦ୍ୟାଳୟର ଛାତ୍ର ଛାତ୍ରୀମାନଙ୍କ ମଧ୍ୟରେ ଅନୁଷ୍ଠିତ ହୋଇଥିବା ବକ୍ତୃତା, ଚିତ୍ରାଙ୍କନ ଓ ସାଧାରଣଜ୍ଞାନ ପ୍ରତିଯୋଗୀତାର ଶ୍ରେଷ୍ଠ ପ୍ରତିଯୋଗୀ ମାନଙ୍କୁ ବିଦ୍ୟାଳୟ ପକ୍ଷରୁ ପୁରସ୍କାର ବିତରଣ କରାଯାଇଛି। ପ୍ରଧାନ ଶିକ୍ଷକ ଗଗନ ବିହାରୀ ସାହୁଙ୍କ ପରିଚାଳନାରେ ଅନୁଷ୍ଠିତ ପୁରସ୍କାର ବିତରଣ ଉତ୍ସବରେ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟିତ୍ରୀ ଉପସ୍ଥିତ ଥିଲେ। ବକ୍ତୃତା ପ୍ରତିଯୋଗୀତାରେ ସିପୁନ କୁମାର ସାହୁ, ପ୍ରତ୍ୟାସା ବାରିକ, ପ୍ରିତୀମୟୀ ସାହୁ,ଚିତ୍ରାଙ୍କନ ପ୍ରତିଯୋଗୀତାରେ ରୁପାଲି ରାଉତ, ପ୍ରଜ୍ଞାପରମିତା ଦାସ,ରୂପାଲି ନାୟକ ଏବଂ ସାଧାରଣଜ୍ଞାନ ପ୍ରତିଯୋଗୀତାରେ ଆଶୁତୋଷ ସାହୁ, ନିରାକାର ସାମନ୍ତରାୟ ଓ ସୁଭମ ମହାପାତ୍ର ଯଥାକ୍ରମେ ୧ମ,୨ୟ ଓ ୩ୟ ସ୍ଥାନ ଅଧିକାରୀ ପୁରସ୍କାର ଗ୍ରହଣ କରିଛନ୍ତି।

Comments are closed.