ବାଙ୍କୀ:ଦୀର୍ଘ ଦିନ ଧରି କୋଭିଡ-୧୯ ପ୍ରଭାବରେ ବିଦ୍ୟାଳୟ ଠାରୁ ମହାବିଦ୍ୟାଳୟ ପର୍ଯ୍ୟନ୍ତ ପାଠପଢା ବାଧାପ୍ରାପ୍ତ ହୋଇଥିବା ହେତୁ ଛାତ୍ରଛାତ୍ରୀ ମାନେ ପ୍ରଭାବିତ ହୋଇଛନ୍ତି। ସରକାରଙ୍କ ପକ୍ଷରୁ ବିଭିନ୍ନ ସମୟରେ ଅନଲାଇନ୍ ପାଠପଢା ପ୍ରତି ଗୁରୁତ୍ୱ ଦିଆଯାଇଥିଲା। ସାମାଜିକ, ଅର୍ଥନୈତିକ ଦୁର୍ବଳ ଅବସ୍ଥା ଯୋଗୁ ଗ୍ରାମାଞ୍ଚଳର ପିଲାମାନେ ମୋବାଇଲ୍ ଅଭାବରୁ ପଠପଢି ପାରୁ ନଥିବା ଏବଂ ଠିକ୍ ସମୟରେ ମୋବାଇଲ୍ ନେଟ୍ଓାର୍କ ରହୁନଥିବାରୁ ଅନଲାଇନ ପାଠପଢା ମଧ୍ୟ କରିପାରିନାହାନ୍ତି। ଏହି ପରିପ୍ରେକ୍ଷୀରେ ବିଦ୍ୟାଳୟ ଓ ଗଣଶିକ୍ଷା ବିଭାଗ ଦ୍ବାଦଶ ବୋର୍ଡ ପରୀକ୍ଷା କରିବା ନିଷ୍ପତ୍ତିକୁ ନବନିର୍ମାଣ ଯୁବ ଛାତ୍ର ସଂଗଠନ ବିରୋଧ କରିଛି।
ରାଜ୍ୟ ସଂଯୋଜକଙ୍କ ତତ୍ତ୍ବାବଧାନରେ ଛାତ୍ର ନେତା ସତ୍ୟଜିତ୍ ମହାନ୍ତିଙ୍କ ନେତୃତ୍ୱରେ ବାଙ୍କୀ ମହାବିଦ୍ୟାଳୟର ଛାତ୍ରମାନେ ଦ୍ବାଦଶ ଶ୍ରେଣୀ ପରୀକ୍ଷା ବାତିଲ ପାଇଁ ଏକ ଦାବିପତ୍ର ବାଙ୍କୀ ଉପଜିଲାପାଳ ରଞ୍ଜନ କୁମାର ଜେନାଙ୍କୁ ପ୍ରଦାନ କରିଛନ୍ତି। ଛାତ୍ର ନେତା ଶ୍ରୀ ମହାନ୍ତିଙ୍କ ନେତୃତ୍ୱରେ ଛାତ୍ର ରାଜେନ୍ଦ୍ର ମଲ୍ଲିକ, ଶୁଭଶ୍ରୀ ମହାପାତ୍ର, ବିକାଶ ମହାପାତ୍ର, ବିଶ୍ୱଜିତ୍ ମହାରଣା, ସୁମିତ କୁମାର ରଣା, ଓମ ପ୍ରସାଦ ବେହେରା, ଦୁର୍ଗାପ୍ରସାଦ ସ୍ୱାଇଁ ପ୍ରମୁଖ ବହୁ ଛାତ୍ର ବାଙ୍କୀ ମହାବିଦ୍ୟାଳୟ ପରିସରରୁ ପଦଯାତ୍ରାରେ ଆସି ଉପଜିଲାପାଳଙ୍କ କାର୍ଯ୍ୟାଳୟରେ ବିକ୍ଷୋଭ ପ୍ରଦର୍ଶନ କରିବା ସହ ପରୀକ୍ଷାକୁ ବାତିଲ ପାଇଁ ସ୍ମାରକପତ୍ର ପ୍ରଦାନ କରିଛନ୍ତି।
Comments are closed.