ରାଜଧାନୀରେ ବ୍ୟାଙ୍କ ଲୁଟ୍‌: ଖେଳନା ବନ୍ଧୁକ ଦେଖାଇ ଭୟଭୀତ କଲେ ଲୁଟେରା, ଲୁଟିନେଲେ ଦେଖାଇ ୨.୭୮ଲକ୍ଷ ଟଙ୍କା

ଭୁବନେଶ୍ବର: ଇନ୍‌ଫୋସିଟି ଥାନା ଅନ୍ତର୍ଗତ ନନ୍ଦନବିହାର ଅଞ୍ଚଳରେ ଥିବା ଏକ ବ୍ୟାଙ୍କରୁ ଲୁଟ୍‌ ହୋଇଛି। ଲୁଟେରାମାନେ ଖେଳାନା ବନ୍ଧୁକ ଦେଖାଇ ୨.୭୮ଲକ୍ଷ ଟଙ୍କା ଲୁଟି ନେଇଛନ୍ତି।

ମୁଣ୍ଡରେ ହେଲ୍‌ମେଟ୍, ମୁହଁରେ ମାସ୍କ ଓ ହାତରେ ଗ୍ଲୋଭ୍‌ସ ପିନ୍ଧି ଲୁଟେରାମାନେ ବ୍ୟାଙ୍କରେ ପ୍ରବେଶ କରିଥିଲେ। ସେତେବେଳେ ବ୍ୟାଙ୍କ ଭିତରେ ମାତ୍ର ଦୁଇ ଜଣ କର୍ମଚାରୀ ଥିବାବେଳେ କୌଣସି ଗ୍ରାହକ ନ ଥିଲେ। ସେମାନେ କର୍ମଚାରୀଙ୍କୁ ଖେଳନା ବନ୍ଧୁକ ସାହାଯ୍ୟରେ ଧମକ ଦେଇ ୨.୭୮ଲକ୍ଷ ଟଙ୍କା ଲୁଟି ନେବାରେ ସଫଳ ହୋଇଛନ୍ତି। ତେବେ ସେମାନେ ବ୍ୟବହାର କରିଥିବା ବନ୍ଧୁକ ପରବର୍ତ୍ତି ସମୟରେ ଖେଳନା ବନ୍ଧୁକ ବୋଲି ଜଣାପଡ଼ିଥିଲା। ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।


ବ୍ୟାଙ୍କ କର୍ମଚାରୀ କହିଛନ୍ତି ଯେ ଲୁଟେରାମାନେ ମୁହଁକୁ ସମ୍ପୂର୍ଣ୍ଣ ଘୋଡ଼ାଇ ରଖିଥିଲେ। ମୁହଁରେ ମାସ୍କ ପିନ୍ଧିବା ସହ ହାତରେ ଗ୍ଲୋଭ୍‌ସ ପିନ୍ଧି ବ୍ୟାଙ୍କରେ ପ୍ରବେଶ କରିଥିଲେ। ବ୍ୟାଙ୍କ ଭିତରେ ମାତ୍ର ଦୁଇ ଜଣ କର୍ମଚାରୀ ଥିବାରୁ ସେମାନେ ବନ୍ଧୁକ ଦେଖି ଭୟଭୀତ ହୋଇଯାଇଥିଲେ। ଲୁଟେରା ଧରିଥିବା ବନ୍ଧୁକ ଖେଳନା କି ନୁହେଁ ତାହା ଜାଣି ପାରିନଥିଲେ। ତେବେ ଲୁଟେରା ଧରିଥିବା ବନ୍ଧୁକ ସତ ହୋଇଥିବା ବୋଲି ଭାବି ନେଇଥିଲେ। ବ୍ୟାଙ୍କ ଲୁଟ୍‌ ପରେ ଲୁଟେରାମାନେ ଦ୍ରୁତ ଗତିରେ ସେଠାରୁ ପଳାଇଥିଲେ।

Comments
Loading...