ହିନ୍ଦୁ ଧର୍ମରେ ମହିଳାମାନେ ହାତରେ ଚୁଡି ପିନ୍ଧିଥାନ୍ତି। ଚୁଡି ପିନ୍ଧିବାର ପରମ୍ପରା ବହୁ ପୁରାତନ କାଳରୁ ପ୍ରଚଳିତ। ମହିଳାମାନେ ଚୁଡି ପିନ୍ଧିବାର ଧାର୍ମିକ ମହତ୍ତ୍ବ ରହିଛି। ଚୁଡି ପିନ୍ଧିବାର ଅନେକ ଲାଭ ରହିଛି। ହିନ୍ଦୁ ଧର୍ମରେ ବିବାହିତ ମହିଳାମାନେ ଚୁଡି ପିନ୍ଧିଥାନ୍ତି। କୁହାଯାଇଛି ଯେ, ମହିଳାମାନେ ହାତରେ ଚୁଡି ପିନ୍ଧିବା ଦ୍ବାରା ସ୍ବାମୀଙ୍କ ଆୟୁଷ ବୃଦ୍ଧି ହୋଇଥାଏ। ଏହାଦ୍ବାରା ସ୍ବାମୀଙ୍କ ରକ୍ଷା ମଧ୍ୟ ହୋଇଥାଏ। ମାନ୍ୟତା ଅନୁଯାୟୀ, ମହିଳାମାନେ ଚୁଡି ପିନ୍ଧିବା ଦ୍ବାରା ଦାମ୍ପତ୍ୟ ଜୀବନ ସୁଖମୟ ହୋଇଥାଏ।
ସଧବା ନାରୀ ଷୋହଳ ଶୃଙ୍ଗାରର ସଜେଇ ହୋଇଥାଏ। ଏହି ଷୋହଳ ଶୃଙ୍ଗାର ମଧ୍ୟରୁ ଚୁଡି ଏକ ସାମଗ୍ରୀ ଅଟେ। ବାସ୍ତୁଶାସ୍ତ୍ରରେ ଚୁଡି ପିନ୍ଧିବାର ଅନେକ ଲାଭ ବିଷୟରେ ବର୍ଣ୍ଣନା କରାଯାଇଛି। ଚୁଡିରୁ ଆସୁଥିବା ଶଦ୍ଦରୁ ଘରେ ସକରାତ୍ମକ ବାତାବରଣ ସୃଷ୍ଟି ହୋଇଥାଏ। ଏହାଦ୍ବାରା ଘରର ଆଖପାଖ ବାତାବରଣ ମଧ୍ୟ ସୁଖଶାନ୍ତି ରହିଥାଏ। ସେଠାରେ ବାସ କରୁଥିବା ପରିବାର ସଦସ୍ୟଙ୍କ ମଧ୍ୟରେ ସମ୍ପର୍କ ସୁଦୃଢ ରହିଥାଏ।
ମାନ୍ୟତା ରହିଛି ଯେ, ଯେଉଁ ଘରେ ମହିଳମାନେ ଚୁଡି ପିନ୍ଧନ୍ତି, ସେଠାରେ କେବେ ବି ଧନ ସମ୍ପତ୍ତି ଓ ଟଙ୍କାର ଅଭାବ ରହି ନଥାଏ। ଘରର ଆର୍ଥିକ ସ୍ଥିତି ଠିକ ରହିଥାଏ। ଏବଂ ପରିବାରରେ ସୁଖଶାନ୍ତି ବଜାୟ ରହିଥାଏ। ହାତରେ ଚୁଡି ପିନ୍ଧିବା ଦ୍ବାରା ଚର୍ମ ଓ ଚୁଡି ମଧ୍ୟରେ ଘର୍ଷଣ ହୋଇଥାଏ। ଏହି ଘର୍ଷଣ ଫଳରେ ସୃଷ୍ଟି ହେଉଥିବା ଶକ୍ତି ଶରୀରରେ ରକ୍ତ ସଞ୍ଚାରକୁ ନିୟନ୍ତ୍ରଣ କରିଥାଏ। ଅଧିକ ଚୁଡି ପିନ୍ଧିବା ଦ୍ବାରା ଶରୀରର ଶକ୍ତି ବାହାରକୁଯାଇ ନଥାଏ। ସେହି ମହିଳା ଅଧିକ ସାହାସୀ ହୋଇଥାନ୍ତି।