ମହିଳାମାନେ ଚୁଡି ପିନ୍ଧିବା ଦ୍ବାରା ସେମାନଙ୍କ ସ୍ବାମୀଙ୍କ ପାଇଁ ଶୁଭ ହୋଇଥାଏ। ଏହା ସଧବା ନାରୀମାନଙ୍କ ପ୍ରତୀକ ଅଟେ। ବିବାହିତ ନାରୀମାନଙ୍କ ଶୃଙ୍ଗାର ମଧ୍ୟରୁ ଚୁଡି ଅନ୍ୟତମ। ବିବାହିତ ନାରୀମାନଙ୍କ ଚୁଡି ସହ ଅନେକ କିଛି ବିଶେଷ ତଥ୍ୟ ରହିଛି। ଆସନ୍ତୁ ଜାଣିବା ସେହି ସମ୍ବନ୍ଧରେ ..
ବିବାହିତ ନାରୀମାନେ ତମ୍ବାର କୌଣସି ଚୁଡି ପିନ୍ଧିବା ଉଚିତ ନୁହେଁ। ଏପରି କରିବା ଦ୍ବାରା ସ୍ବାମୀଙ୍କ ଉପରେ ବିପତ୍ତି ପଡିଥାଏ। ବେଳେବେଳେ ଦେଖାଯାଇଥାଏ ଯେ, ନାରୀମାନେ ଚୁଡି ପିନ୍ଧିବା ବେଳେ ତାହା ଭାଙ୍ଗି ଯାଇଥାଏ। ସେହି ଚୁଡିକୁ ଏଣେତେଣେ ଫୋପାଡିବା ଅନୁଚିତ। କାରଣ ତାହା ସଧବା ନାରୀଙ୍କ ପ୍ରତୀକ ଅଟେ। ଭାଙ୍ଗି ଯାଇଥିବା ଚୁଡିକୁ ପ୍ରଥମେ ୩ଥର ମୁଣ୍ଡରେ ମାରି ଏକ କାଗଜରେ ଗୁଡାଇ ପକାଇବା ଉଚିତ। ଏପରି କରିବା ଦ୍ବାରା ଆପଣଙ୍କ ବୈବାହିକ ଜୀବନ ସୁଖମୟ ହୋଇଥାଏ।
ବେଳେବେଳେ ଚୁଡି ପିନ୍ଧିବା ବେଳେ ଦେଖାଯାଇଥାଏ ଯେ, ତାହା ଫାଟି ଯାଇଛି। ଫାଟି ଯାଇଥିବା ଚୁଡିକୁ ପିନ୍ଧିବା ଅନୁଚିତ। କାରଣ ଏହାଦ୍ବାରା ସ୍ବାମୀଙ୍କ ପାଇଁ ଦୁର୍ଭାଗ୍ୟ ଆସିଥାଏ।
ଜ୍ୟୋତିଷଶାସ୍ତ୍ରରେ କୁହାଯାଇଛି ଯେ, ମହିଳାମାନେ ଦୁଇ ହାତରେ ସମାନ ସଂଖ୍ୟାରେ ଚୁଡି ପିନ୍ଧିବା ଅନୁଚିତ। ଡାହାଣ ହାତ ଅପେକ୍ଷା ବାମ ହାତରେ ଦୁଇଟି ଅଧିକ ଚୁଡି ପିନ୍ଧିବା ଉଚିତ। ଏପରି କରିବା ଦ୍ବାରା ସ୍ବାମୀଙ୍କୁ ସମସ୍ତ କ୍ଷେତ୍ରରେ ସଫଳତା ପ୍ରାପ୍ତି ହୋଇଥାଏ।
ମହିଳାମାନେ ଚୁଡି ପିନ୍ଧିବା ବେଳେ ଭୁଲରେ ବି କେଶ ଖୋଲା ରଖିବା ଉଚିତ ନୁହେଁ। ଏପରି କରିବା ଦ୍ବାରା ସ୍ବାମୀ ଗରିବ ହୋଇ ଯାଆନ୍ତି। ଏହାର ପ୍ରଭାବ ଶାଶୂ ଘରେ ଓ ବାପ ଘରେ ମଧ୍ୟ ପଡିଥାଏ ତେଣୁ ସର୍ବଦା କେଶ ବାନ୍ଧି ମୁଣ୍ଡରେ ଓଢଣା ଦେଇ ଚୁଡି ପିନ୍ଧିବା ଉଚିତ।