କଦଳୀ ଖାଇବା ସ୍ୱାସ୍ଥ୍ୟ ପାଇଁ ହିତକର ବୋଲି ସମସ୍ତେ ଜାଣନ୍ତି। କିନ୍ତୁ କଣ ଆପଣ ଜାଣିଛନ୍ତି କଦଳୀ ଚୋପା ମଧ୍ୟ ଆପଣଙ୍କର ଅନେକ କାମରେ ଆସିବ। ଅଧିକାଂଶ ସମୟରେ ଲୋକମାନେ କଦଳୀ ଖାଇବା ପରେ ଚୋପାକୁ ଫୋପାଡି ଦେଇଥାନ୍ତି। କିନ୍ତୁ ଆପଣ ଜାଣିନାହାନ୍ତି କଦଳୀ ଚୋପାର ଅନେକ ଉପକାରିତା ରହିଛି। ତେବେ ଆସନ୍ତୁ ଜାଣିବା କଦଳୀ ଚୋପାର କ’ଣ ସବୁ ଉପକାରିତା ରହିଛି।
ଯଦି ଆପଣଙ୍କ ଦାନ୍ତରେ ଦାଗ ଦେଖାଦିଏ । କୌଣସି କାରଣରୁ ସେ ତା’ର ଚମକ ହରାଇଦେଇଛି ତେବେ ଏଥିପାଇଁ କଦଳୀ ଚୋପା ଆପଣଙ୍କୁ ସାହାଯ୍ୟ କରିପାରିବ। କଦଳୀ ଚୋପାକୁ ଦାନ୍ତରେ ଘଷନ୍ତୁ, ଦିନରେ ଦୁଇଥର ଏହିଭଳି କରନ୍ତୁ ଦେଖିବେ ଆପଣଙ୍କ ଦାନ୍ତ ଚମକି ଉଠିବ।
ଆପଣଙ୍କୁ କୌଣସି ପୋକ କାମୁଡିଦେଲେ ସେହି ସ୍ଥାନରେ ନାଲି ଦାଗ ପଡିଯିବାର ଦେଖାଯାଏ ଏବଂ ସେହି ସ୍ଥାନଟି ପୋଡିଥାଏ। କଦଳୀ ଚୋପା ଆପଣଙ୍କୁ ଏଥିରୁ ମୁକ୍ତି ଦେଇପାରିବ। ଆପଣଙ୍କୁ କୌଣସି ପୋକ କାମୁଡିଲେ ସେହି ସ୍ଥାନରେ କଦଳୀ ଚୋପାକୁ ଘଷନ୍ତୁ ଦେଖିବେ ଏହା କରିବା ଦ୍ୱାରା ଆପଣଙ୍କର ପୋଡା କମିଯିବା ସହିତ ଦାଗ ମଧ୍ୟ ଦୂର ହୋଇଯିବ।
କଦଳୀ ଚୋପାକୁ ମୁହଁରେ ଘଷନ୍ତୁ। ଏହା କରିବା ଦ୍ୱାରା ମୁଁହକୁ ପୋଷଣ ମିଳିଥାଏ ଏବଂ ମୁହଁର ସୌନ୍ଦଯ୍ୟ ବଢିଥାଏ। ମୁହଁ ଚମକି ଉଠେ।
ଯଦି ଆପଣଙ୍କର ମୁହଁ କିମ୍ବା ଶରୀରର କୌଣସି ସ୍ଥାନରେ ଭାତୁରି ହୋଇଥାଏ ତେବେ ନିୟମିତ ଭାବେ ସେହିଠାରେ କଦଳୀ ଚୋପା ଘଷନ୍ତୁ ଦେଖିବେ ସେ ଆପେ ଆପେ ଦୂର ହୋଇଯିବ।
କଦଳୀ ଚୋପାରେ ଆପଣ ଜୋତା କିମ୍ବା ଚମଡାରେ ପ୍ରସ୍ତୁତ ଯେ କୌଣସି ଜିନିଷକୁ ସଫା କରିପାରିବେ। ଦେଖିବେ ଏଥିରେ ସଫା କରିବା ଦ୍ୱାରା ଆପଣଙ୍କ ଜୋତା ଚମକି ଉଠିବ।