ରେମୁଣାର ମୋଷ୍ଟ ଓ୍ବାଣ୍ଟେଡ ଇଶ୍ବର ମହାଳିକ ଗିରଫ

ବାଲେଶ୍ବର : ବାଲେଶ୍ବର ଜିଲା ସହଦେବଖୁଣ୍ଟା ଥାନା ଅଧୀନ ଜାତୀୟ ରାଜପଥର ବାରୁଣୀ ପୋଲ ନିକଟରେ ଗତ ଶୁକ୍ରବାର ବିଳମ୍ବିତ ରାତିରେ ରେମୁଣା ଥାନା ଅଞ୍ଚଳ ଶ୍ୟାମରାଇପୁର ଗ୍ରାମର ମୋଷ୍ଟଓ୍ବାଟେଡ ଇଶ୍ବର ମହାଳିକ (୫୫) ବୁଲେଟରେ ଭୁବନେଶ୍ୱରରୁ କଲିକତା ଫେରୁଥିବା ଜଣେ ବ୍ୟକ୍ତିଙ୍କୁ ଅଟକାଇବା ସହ ମାଡମାରି କ୍ଷତାକ୍ତ କରିଥିବା ଏବଂ ତାଙ୍କ ବୁଲେଟ ନେଇ ଫେରାର ହୋଇଯିବା ଅଭିଯୋଗ ହୋଇଥିଲା। ଅଭିଯୋଗପରେ ରବିବାର ସହଦେବଖୁଣ୍ଟା ଓ ରେମୁଣା ପୁଲିସ ମିଳିତଭାବେ ତାଙ୍କ ଘର ଉପରେ ଚଢ଼ାଉ କରି ଇଶ୍ବରକୁ ଧରିବାରେ ସଫଳ ହୋଇଛନ୍ତି। ଡିଏସପି ମନୋଜ କୁମାର ରାଉତ ଇଶ୍ବର ଘରେ ଥିବା ଖବର ପାଇ ଚଢାଉ କରୁଥିବା ସମୟରେ ଇଶ୍ବର ପୁଲିସ ଉପରକୁ ବୋମାମାଡ କରିବା ସହ କାଚ ବୋତଲ ମାଡ କରିଥିଲା । ସକାଳୁ ସକାଳୁ ପୁଲିସ ତାର ଘରକୁ ଘେରିଯାଇ ତାକୁ ଆତ୍ମସମର୍ପଣ କରିବାକୁ କହିବାରୁ ,ସେ ଉତକ୍ଷୀପ୍ତ ହୋଇ ବୋମା ପକାଇ ପୁଲିସକୁ ଭୟଭିତ କରି ଖସି ପଳାଇ ଯିବାକୁ ବସିଥିଲା ହେଲେ ପୁଲିସ ତାକୁ ଛାଡି ନଥିଲା ଦୀର୍ଘ ୫ ଘଣ୍ଟାର ଅପରେସନ ପରେ ତାକୁ କାବୁ କରିବାରେ ପୁଲିସ ସଫଳ ହୋଇଥିଲା, ଅପରପକ୍ଷରେ ଇଶ୍ବରଙ୍କ ପରିବାର ପକ୍ଷରୁ ପୁଲିସକୁ ଅଶ୍ମିଳଭାଷାରେ ଗାଳି ଗୁଲଜ କରିବା ସହ ତାକୁ କାହିଁକି ଧରିବ ବୋଲି ଯୁକ୍ତି କରିଥିବା ପୁଲିସ କହିଛି । ଶେଷରେ ତା ଘରୁ ପୋଲିସ ତାକୁ ଗିରଫ କରି ସହଦେବଖୁଣ୍ଟା ଥାନା ଆଣିଥିବା ବେଳେ ଆହତ ବ୍ୟକ୍ତି ଜଣକ ବାଲେଶ୍ବର ହସପିଟାଲରେ ଚିକିତ୍ସାଧୀନ ଅଛନ୍ତି । ଏହି ବୋମାମାଡରେ କେହି ମୃତାହତ ହୋଇନଥିବା ଜଣାପଡିଛି ।

Comments are closed.