ଦାଦନ ଶ୍ରମିକ ସଂପର୍କିତ ଭୁଲ ତଥ୍ୟ ଦେଇଥିବା ଶ୍ରମଧିକାରୀ ଓ ଅସାଧୁ ଦାଦନ ଦଲାଲଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଦାବି

ବଲାଙ୍ଗିର : ବର୍ତ୍ତମାନ କରୋନା ଜନିତ ପରିସ୍ଥିତିରେ ରାଜ୍ୟ ପ୍ରଶାସନର ଭୁଲ ପରିଚଳନା ଯୋଗୁଁ ପଶ୍ଚିମାଂଚଳର ଲକ୍ଷ ଲକ୍ଷ ଦାଦନ ଶ୍ରମିକ ଦୁର୍ଦ୍ଦଶା ଭୋଗୁଥିବା ସହ ବହୁ ଶ୍ରମିକ କରୋନା ଦ୍ୱାରା ଆକ୍ରାନ୍ତ ହୋଇ ନିଜ ସହ ସମାଜର ଅନ୍ୟମାନଙ୍କ ପାଇଁ ସଂକ୍ରମଣର ଭୟ ତିଆରି କରିବାରେ ବାଧ୍ୟ ହୋଇଛନ୍ତି। ଯେତେବେଳେ ଦେଶରେ କରୋନା ସଂକ୍ରମଣ ଆରମ୍ଭ ହେଲା ସେତେବେଳେ ଯଦି ଏ ଶ୍ରମିକମାନଙ୍କୁ ଫେରାଇ ଆଣିବା ପାଇଁ ବ୍ୟବସ୍ଥା କରାଯାଇଥାନ୍ତା ତାହା ହେଲେ ଅବସ୍ଥା ଏତେ ଶୋଚନୀୟ ହୋଇନଥାନ୍ତା ବୋଲି ପଶ୍ଚିମାଞ୍ଚଳ ମିଳିତ ଶ୍ରମିକ କର୍ମଚାରୀ ମଂଚ ତରଫରୁ ଦାବି କରାଯାଇଛି।

ଗତ ମେ ୩ ବିଳମ୍ବିତ ରାତ୍ରି ପର୍ଯ୍ୟନ୍ତ ମଞ୍ଚର ଜରୁରୀ କାର୍ଯ୍ୟକାରୀ ବୈଠକ ବଲାଙ୍ଗିର ରୁଗୁଡିପଡା ଠାରେ ଅନୁଷ୍ଠିତ ହୋଇ ଏସର୍ମ୍ପିର୍କିତ ନିଷ୍ପତ୍ତି ନିଆଯାଇଛି। ଆଗାମୀ ଦିନରେ ଏ ସମସ୍ୟାକୁ ନେଇ ମଞ୍ଚ ତରଫରୁ ଏକ ବିଶାଳ ଶ୍ରମଜୀବୀ ଆନ୍ଦୋଳନ କରିବାକୁ ମଧ୍ୟ ନିଷ୍ପତ୍ତି କରାଯାଇଛି। ମଞ୍ଚର ସଭାପତି ମନୋରଞ୍ଜନ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏବୈଠକରେ ମଞ୍ଚର କାର୍ଯ୍ୟକାରୀ ସଦସ୍ୟମାନେ ଯୋଗ ଦେଇଥିଲେ। ବୈଠକରେ ମୁଖ୍ୟ ଅତିଥି ରୂପେ ମଞ୍ଚର ପ୍ରତିଷ୍ଠାତା ସଭାପତି ତଥା କୋଶଲ ରାଜ୍ୟ ସମନ୍ୱୟ ସମିତିର କେନ୍ଦ୍ରିୟ ଅଧ୍ୟକ୍ଷ ପ୍ରମୋଦ ମିଶ୍ର ଯୋଗଦେଇ, ଏ ଅଞ୍ଚଳର ସୁରକ୍ଷା, ମୁକ୍ତି ଓ ବିକାଶ ପାଇଁ ଶ୍ରମଜୀବୀ ଶ୍ରେଣୀ ସଂଗଠିତ ହେବାକୁ ଆହ୍ୱାନ ଦେଇଥିଲେ।

Comments
Loading...