ବଲାଙ୍ଗିରରେ ରେକର୍ଡ ଭାଙ୍ଗିଲା କରୋନା, ଆଜି ୧୭୩ ନୁଆ ରୋଗୀ ଚିହ୍ନଟ

ବଲାଙ୍ଗିର: ବଲାଙ୍ଗିରରେ ରେକର୍ଡ ଭାଙ୍ଗିଲା କରୋନା। ଗତ ୨୪ ଘଣ୍ଟା ମଧ୍ୟରେ ଜିଲାରେ ପ୍ରଥମ ଥର ପାଇଁ ଶହେରୁ ଉର୍ଦ୍ଧ କରୋନା ରୋଗୀ ଚିହ୍ନଟ ହୋଇଥିବା ରାଜ୍ୟ ସରକାର ସୂଚନା ଦେଇଛନ୍ତି। ଗତକାଲି ମାତ୍ର ଗୋଟିଏ କରୋନା ରୋଗୀ ଚିହ୍ନଟ ହୋଇଥିବା ନେଇ ସୂଚନା ରହିଥିବା ବେଳେ ଗୁରୁବାର ୧୭୩ ପଜିଟିଭ ଚିହ୍ନଟ ହୋଇଛନ୍ତି। ବଲାଙ୍ଗିର ପୈାରାଞ୍ଚଳ, ଟିଟିଲାଗଡ, କଣ୍ଟାବାଞ୍ଜି ସହର ସମେତ ଆଗଲପୁର, ଗୁଡଭେଲା, ପୁଇଁନ୍ତଲା ବ୍ଲକରେ କରୋନା ରୋଗୀ ଚିନ୍ତାର କାରଣ ପାଲଟିଛନ୍ତି ।
ସୂଚନା ଅନୁସାରେ ବଲାଙ୍ଗିର ଜିଲାରେ ସର୍ବାଧିକ ୧୭୩ ଜଣ ରୋଗୀ ଗୁରୁବାର କରୋନା ପଜିଟିଭ ଚିହ୍ନଟ ହୋଇଛନ୍ତି । ରାଜ୍ୟ ସରକାର ଏନେଇ ସୂଚନା ପ୍ରଦାନ କରିବା ପରେ ଜିଲା ପ୍ରଶାସନ ପକ୍ଷରୁ ଜିଲାରେ ଥିବା ରୋଗୀଙ୍କ ତଥ୍ୟ ସାମ୍ନାକୁ ଆସିଛି । ସୂଚନା ଅନୁସାରେ ବଲାଙ୍ଗିର ପୈାରାଞ୍ଚଳ ଅଧିନସ୍ଥ ହାଟପଦାପଡାରେ ୧୦, କନ୍ଧପାଲିପଡାରେ ୪, ସୁଦପଡାରେ ୫, ଶାନ୍ତିପଡାରେ ୪, ରାଧାରାଣୀପଡାରେ ୨, ତାଲପାଲିପଡାରେ ୨, କଂସାରୀପଡାରେ ୨ ଜଣ ରୋଗୀ ଚିହ୍ନଟ ହୋଇଥିବା ବେଳେ ବରପାଲିପଡା, ଠିକାଦାରପଡା, ବିଷ୍ଣୁମୁଣ୍ଡା, ତେଲିଗୋଠପଡା, କଲାମାଣ୍ଡଳ ପଡା, ପେଲେସଲାଇନ, କଲେଜ ଛକ ଓ ବେହେରାପାଲି ଅଞ୍ଚଳରୁ ଜଣେ ଲେଖାଏଁ ରୋଗୀ କରୋନା ପଜିଟିଭ ଚିହ୍ନଟ ହୋଇଛନ୍ତି।
ସେହିପରି ବଙ୍ଗୋମୁଣ୍ଡା ବ୍ଲକ ସିନ୍ଧେକେଲାରୁ ୧୦, ବଙ୍ଗୋମୁଣ୍ଡାରୁ ୩ ଓ ଝଲପ ଗାଁରୁ ଜଣେ ରୋଗୀ କରୋନା ପଜିଟିଭ ଚିହ୍ନଟ ହୋଇଛନ୍ତି । ବଲାଙ୍ଗିର ସଦର ବ୍ଲକ ଖୁଜେନପାଲି, କନକପୁର ଓ ଶିକାଛିଡା ଗାଁରୁ ଜଣେ ଲେଖାଏଁ ରୋଗୀ ପଜିଟିଭ ଚିହ୍ନଟ ହୋଇଥିବା ଜଣାପଡିଛି। ଗୁଡଭେଲା ବ୍ଲକ ନୁଆପଡାରୁ ୨, ବୀରମୁଣ୍ଡାରୁ ୨ ଓ ତୁଷୁରା ବିଜ୍ଞାପିତ ଅଞ୍ଚଳ ପରିଷଦରୁ ୮ ଜଣ ରୋଗୀ ପଜିଟିଭ ଚିହ୍ନଟ ହୋଇଛନ୍ତି। ସେହିପରି କଣ୍ଟାବାଞ୍ଜି ବିଜ୍ଞାପିତ ଅଞ୍ଚଳ ପରିଷଦ ଅଞ୍ଚଳରୁ ୨୧ ଜଣ ଗୁରୁବାର ଚିହ୍ନଟ ହୋଇଛନ୍ତି । ଆଗଲପୁର ବ୍ଲକ ଆଗଲପୁରରୁ ୧୧, ରାମପୁରରୁ ୨, କେତେଇପାଲିରୁ ୧, ବନ୍ଦବାହାଲ ଗାଁରୁ ୮ ଓ ବାବୁଫାସଡରୁ ଜଣେ ରୋଗୀ ଚିହ୍ନଟ ହୋଇଛନ୍ତି । ମୁରିବାହାଲ ବ୍ଲକ ପତ୍ରାପାଲି ଓ ଗୁଡିଘାଟରୁ ଜଣେ ଲେଖାଏଁ ରୋଗୀ ଚିହ୍ନଟ ହୋଇଛନ୍ତି। ସଇଁନ୍ତଲା ବ୍ଲକ ଗୁରମୁଣୀରୁ ୬ ଜଣ ଓ ପୁଇଁନ୍ତଲା ବ୍ଲକ ଶିକାବେହେଙ୍ଗା ଗାଁରୁ ୨୨ ଜଣ ରୋଗୀ ୨୪ ଗଣ୍ଟା ମଧ୍ୟରେ ଚିହ୍ନଟ ହୋଇଥିବା ଜଣାପଡିଛି। ଅନ୍ୟପକ୍ଷରେ ଲୋଇସିଂହା ବ୍ଲକ ବୁର୍ଡାରୁ ୫ ଜଣ, ଖପ୍ରାଖୋଳ ବ୍ଲକ ଲୁହାସିଂହାରୁ ୩ ଓ ଫୁଲକିମୁଣ୍ଡାରୁ ୨ ଜଣ, ଟିଟିଲାଗଡ ବ୍ଲକ କୁମୁଡାରୁ ୨, ଟିଟିଲାଗଡ ରୁ ୧୨ଜଣ , ଘଣ୍ଟବାହାଲି ଓ କପସିଭଟାରୁ ଜଣେ ଲେଖାଏଁ ରୋଗୀ ଚିହ୍ନଟ ହୋଇଛନ୍ତି। ସେହିପରି ପାଟଣାଗଡ ବ୍ଲକ ତମିଆଁରୁ ଜଣେ ଓ ବାନ୍ଧନଭାଡିରୁ ୨ ଜଣ ରୋଗୀ ଚିହ୍ନଟ ହୋଇଛନ୍ତି। ଗୁରୁବାର ଚିହ୍ନଟ ହୋଇଥିବା ୧୭୩ ଜଣ ରୋଗୀଙ୍କ ମଧ୍ୟରେ ଜଣେ କରୋନା ଯୋଦ୍ଧା ରହିଥିବା ଜିଲା ପ୍ରଶାସନ ସୂଚନା ଦେଇଛି। ସେହିପରି ଜଣେ ମହିଲା ସାମ୍ବାଦିକ ମଧ୍ୟ କରୋନା ଆକ୍ରାନ୍ତ ଥିବା ସୂଚନା ରହିଛି । ଗୁରୁବାର ୧୭୩ ଜଣ ରୋଗୀ ଚିହ୍ନଟ ହେବା ପରେ ଜିଲାରେ ଆକ୍ରାନ୍ତଙ୍କ ସଂଖ୍ୟା ୧୧୮୪ରେ ପହଞ୍ଚିଛି । ୫୨୬ ଜଣ ସକ୍ରିୟ ରୋଗୀ ରହିଥିବା ବେଳେ ୬୫୭ ଜଣ ସୁସ୍ଥ ହୋଇଥିବା ପ୍ରଶାସନ ପକ୍ଷରୁ ସୂଚନା ମିଲିଛି।

Comments
Loading...