ଦିବ୍ୟାଙ୍ଗ ଛାତ୍ରଛାତ୍ରୀଙ୍କୁ ପାଇଁ ତାଲିମ ଶିବିର

ବଲାଙ୍ଗିର:ସ୍ଥାନୀୟ ପିପି ଏକାଡେମୀରେ ସମଗ୍ର ଶିକ୍ଷା ବଲାଙ୍ଗିର ଆନୁକୁଲ୍ୟରେ ଦିବ୍ୟାଙ୍ଗ ଛାତ୍ରଛାତ୍ରୀଙ୍କୁ ଅନ୍ତର୍ନିବେଶୀ ଶିକ୍ଷା ମାଧ୍ୟମରେ ଶୈକ୍ଷିକ ତଥା ତଥ୍ୟ ଭିତ୍ତିକ ଶିକ୍ଷା ଦେବା ପାଇଁ ସମସ୍ତ ବ୍ଲକର ବିଶେଷ ଆବଶ୍ୟକତା ଥିବା ମତପ୍ରକାଶ ପାଇଛି। ଶିଶୁମାନଙ୍କ ପାଇଁ ନିଯୁକ୍ତି ପାଇଥିବା ବ୍ଲକ ସାଧନକର୍ମୀମାନଙ୍କୁ ନେଇ ୩ ଦିନିଆ ଶୈକ୍ଷିକ ତାଲିମ ଶିବିର ଅନୁଷ୍ଠିତ ହୋଇଯାଇଛି।
ଉଦଘାଟନୀ ଉତ୍ସବରେ ବିଦ୍ୟାଳୟର ପ୍ରଧାନଶିକ୍ଷକ ସିନୁ ସୁନ୍ଦର ପାଢୀଙ୍କ ସଭାପତିତ୍ୱରେ ଆୟୋଜିତ ସଭାରେ ଅତିରିକ୍ତ ଜିଲା ଶିକ୍ଷାଧିକାରୀ କେଶବ ଚନ୍ଦ୍ର ମେହେର ମୁଖ୍ୟଅତିଥି ଓ ଅନ୍ତର୍ନିବେଶୀ ଜିଲା ସଂଯୋଜକ, ସମଗ୍ର ଶିକ୍ଷା ପ୍ରଶାନ୍ତ ସରାଫ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ତାଲିମ ଶିବିରର ସାଧନ କର୍ମୀ ଭାବେ ପ୍ରଜ୍ଞା ପରିମିତା ବହିଦାର, ଦିବ୍ୟକାନ୍ତ ମେହେର ଓ ଭାରତୀ ପଟ୍ଟନାୟକ ଯୋଗଦେଇ ଜାତୀୟ ଶିକ୍ଷାନୀତି -୨୦୨୦, ଭାଷା, ଗଣିତ ଓ ଇଂରାଜି ଉପରେ ସାଧାରଣ ଛାତ୍ରଛାତ୍ରୀମାନଙ୍କ ସହିତ ଦିବ୍ୟାଙ୍ଗ ଛାତ୍ରଛାତ୍ରୀମାନଙ୍କୁ ଏକ ଶ୍ରେଣୀ ପ୍ରକୋଷ୍ଠରେ ଅନ୍ତର୍ନିବେଶୀ ଶିକ୍ଷା ମାଧ୍ୟମରେ କିଭଳି ଶିକ୍ଷାଦାନ ଦିଆଯାଇ ପାରିବ ସେ ଉପରେ ତାଲିମ ଦେଇଥିଲେ।

 

ଉଦଯାପନୀ ଉତ୍ସବରେ ମୁଖ୍ୟଅତିଥି ଭାବେ ବ୍ଲକ ଶିକ୍ଷାଧିକାରୀ ରାଘବ ପାଣିଗ୍ରାହୀ ଓ ଲୋକନାଥ ସୁନା ଯୋଗଦେଇ ତାଲିମର ବିଷୟବସ୍ତୁ ଛାତ୍ରଛାତ୍ରୀମାନଙ୍କ ପାଖରେ ଠିକ୍ ଭାବରେ ପହଞ୍ଚାଇବା ପାଇଁ ପରାମର୍ଶ ଦେଇଥିଲେ। କାର୍ଯ୍ୟକ୍ରମକୁ ବଙ୍ଗୋମୁଣ୍ଡା ବ୍ଲକ ସାଧନକର୍ମୀ ଲକ୍ଷ୍ମୀକାନ୍ତ ଷଡଙ୍ଗୀ ସଂଯୋଜନା କରିଥିବା ବେଳେ ଆଗଲପୁର ବ୍ଲକ ସାଧନକର୍ମୀ ନବ କିଶୋର ସାମଲ ତାଲିମ କାର୍ଯ୍ୟକ୍ରମକୁ ପରି·ଳନା କରିଥିଲେ। ଶେଷରେ ପୁଇଁନ୍ତଲା ବ୍ଲକ ସାଧନକର୍ମୀ ଅଳକା ଦାଶ ଧନ୍ୟବାଦ ଦେଇଥିଲେ।

Comments are closed.