କରୋନା ପ୍ରଭାବ : ଜୁଲାଇରେ ବଜାଜ ଅଟୋ ବିକ୍ରି ୩୩ ପ୍ରତିଶତ ହ୍ରାସ

ନୂଆଦିଲ୍ଲୀ : ସାରା ଦେଶରେ କୋଭିଡ -୧୯ ଯୋଗୁ ହୋଇଥିବା ଆର୍ଥିକ କ୍ଷତି ହେତୁ ଅଟୋମୋବାଇଲ କମ୍ପାନୀ ବଜାଜ ଅଟୋ ବିକ୍ରି ଜୁଲାଇରେ ୩୩ ପ୍ରତିଶତ ହ୍ରାସ ପାଇଛି। ଜୁନ ତୁଳନାରେ ଜୁଲାଇ ମାସରେ ଏହାର ଯାନଗୁଡିକର ମୋଟ ବିକ୍ରି ୩୩ ପ୍ରତିଶତ ହ୍ରାସ ପାଇ ୨,୫୫,୮୩୨ ୟୁନିଟକୁ ହ୍ରାସ ପାଇଛି ବୋଲି ବଜାଜ ପକ୍ଷରୁ ସୋମବାର ସୂଚନା​‌ ଦିଆଯାଇଛି। କମ୍ପାନୀ ଏକ ବର୍ଷ ପୂର୍ବେ ଜୁଲାଇରେ ମୋଟ ୩,୮୧,୫୩୦ ଗାଡି ବିକ୍ରି କରିଥିଲା।

ଏକ ବର୍ଷ ପୂର୍ବରୁ ଘରୋଇ ବଜାରରେ ବିକ୍ରି ହୋଇଥିବା ୨,୦୫,୪୭୦ ଗାଡି ତୁଳନାରେ ବଜାଜ ଜୁଲାଇ ୨୦୨୦ରେ ଘରୋଇ ବଜାରରେ ୧,୫୮,୯୭୬ ଗାଡି ବିକ୍ରି କରିଛି। ଏହିପରି ଏହା ୨୩ ପ୍ରତିଶତ ହ୍ରାସ ପାଇଥିବା ରେକର୍ଡ କରାଯାଇଛି।

ଜୁଲାଇରେ କମ୍ପାନୀର ଗାଡି ରପ୍ତାନି ୪୫ ପ୍ରତିଶତ ହ୍ରାସ ପାଇ ୯୬,୮୫୬ ୟୁନିଟରେ ପହଞ୍ଚିଛି। ଗତ ବର୍ଷ ଜୁଲାଇରେ ବଜାଜ ୧,୭୬,୦୬୦ ଗାଡି ରପ୍ତାନି କରିଥିଲା।

କମ୍ପାନୀର ଦୁଇ ଚକିଆ ବିକ୍ରି ସମୁଦାୟ ୨,୨,୩୮,୫୫୮ ୟୁନିଟ୍ ଥିଲା। ଗତ ବର୍ଷ ତୁଳନାରେ ଏହା ୨୬ ପ୍ରତିଶତ ହ୍ରାସ ପାଇଛି। ଗତ ବର୍ଷ ଜୁଲାଇରେ କମ୍ପାନୀ ୩,୨୨,୨୧୦ଟି ଦୁଇ ଚକିଆ ଯାନ ବିକ୍ରି କରିଥିଲା।

Comments
Loading...