ବଡ଼ସାହି ଡ଼ାକ୍ତରଖାନାରେ ସ୍ୱଚ୍ଛତା ଦିବସ ପାଳିତ

0

ବଡସାହି : ଗାନ୍ଧୀ ଜୟନ୍ତୀ ଅବସରରେ ବଡ଼ସାହି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପରିସରରେ ସ୍ୱଚ୍ଛତା ହିଁ ସେବା ଅଭିଯାନ ଅନୁଷ୍ଠିତ ହୋଇଯାଇଛି। ଭାରପ୍ରାପ୍ତ ଚିକିତ୍ସାଧିକାରୀ ଡାକ୍ତର ନାରାୟଣ ବେହେରାଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଡାକ୍ତରଖାନା ପରିସର ସଫେଇ କରାଯାଇଥିଲା। ଅନ୍ୟମାନଙ୍କ ମଧ୍ୟରେ ଜନସ୍ୱାସ୍ଥ୍ୟ ସମ୍ପ୍ରସାରଣ ଅଧିକାରୀ ଦୀପ୍ତିମୟୀ ଜେନା, ବିପିଏମ କମଳ ଲୋଚନ ରଣା, ସ୍ୱାସ୍ଥ୍ୟ ପରିଦର୍ଶକ ଦଶରଥ ବାଘରାଏ ଓ ରୋଗୀ କଲ୍ୟାଣ ସମିତିର ସଦସ୍ୟ ବସନ୍ତ କୁମାର ମହାପାତ୍ର ପ୍ରମୁଖ କାର୍ଯ୍ୟକ୍ରମରେ ଯୋଗଦେଇଥିଲେ। ଏହି ଅବସରରେ ‘ସ୍ୱଚ୍ଛତା ହିଁ ସୁସ୍ଥ ଜୀବନର ଭିତ୍ତିଭୂମି’ ଶୀର୍ଷକ ଏକ ଆଲେଚାନ ଚକ୍ର ଅନୁଷ୍ଠିତ ହୋଇଥିଲା। ଡାକ୍ତର ସନ୍ତୋଷ କୁମାର ବାରିକ କାର୍ଯ୍ୟକ୍ରମକୁ ପରିଚାଳନା କରିଥିବା ବେଳେ ସ୍ୱାସ୍ଥ୍ୟକେନ୍ଦ୍ରର ସମସ୍ତ କର୍ମଚାରୀ ଓ ଆଶା କର୍ମୀ ଏଥିରେ ଉପସ୍ଥିତ ଥିଲେ।

Leave A Reply