ରାକ୍ଷୀପୂର୍ଣ୍ଣିମାରେ ବିଷ ପିଇଥିବା ଭଉଣୀର ମୃତ୍ୟୁ ; ଭାଇଙ୍କ କାନ୍ଧରେ ଭଉଣୀର କୋକେଇ ଗଲା ଶଶ୍ମାନକୁ

ବଡ଼ସାହି: ରାକ୍ଷୀପୂର୍ଣ୍ଣିମା ପ୍ରତ୍ୟେକ ଭଉଣୀ ପାଇଁ ସ୍ୱତନ୍ତ୍ର ଦିନ। ତେବେ ଏହି ଦିନ ଜଣେ ମା’ର କଥାରେ ବିରକ୍ତି ହୋଇ ୨୫ବର୍ଷର ଝିଅ ବିଷପିଇ ଆତ୍ମହତ୍ୟା କରିଥିବା ଜଣାପଡ଼ିଛି। ମୟୂରଭଞ୍ଜ ଜିଲା, ବଡ଼ସାହି ବ୍ଲକର ନାଉପାଳ ପଞ୍ଚାୟତ ନରଣଖୁଣ୍ଟା ଗ୍ରାମରେ ଘଟିଛି ଏପରି ଅଭାବନୀୟ ଘଟଣା। ସ୍ୱର୍ଗତ ଶମ୍ଭୁ ସିଂଙ୍କ ପତ୍ନୀ ରାକ୍ଷୀ ପୂର୍ଣ୍ଣିମାରେ ଝିଅ ଗୁରୁବାରୀକୁ ଗୋରୁ ଚରାଇବାକୁ ଯିବାକୁ କହିବାରୁ ଉଭୟଙ୍କ ମଧ୍ୟରେ ମନାନ୍ତର ହୋଇଥିଲା। ବଡ଼ଭଉଣୀ ବିବାହିତ। ଘରେ ୩ଭାଇ। ରାକ୍ଷୀପୂର୍ଣ୍ଣିମା ଭଳି ଦିନରେ ଗୁରୁବାରୀ ଭାଇଙ୍କ ହାତରେ ରାକ୍ଷୀ ବାନ୍ଧିବା ସହିତ ଘରେ ସମୟ ଅତିବାହିତ ଇଚ୍ଛାକୁ ସାକାର କରିପାରିଲେନି। ମା’ର କଥାକୁ ଧରି ସୋମବାର ଘରେ ଥିବା କୀଟନାଶକ(ଥିମେଟ) ଖାଇ ଦେଇଥିଲେ। ଗୁରୁତର ଅବସ୍ଥାରେ ଭାଇମାନେ ତାଙ୍କୁ ବାରିପଦା ମେଡ଼ିକାଲ କଲେଜ ଓ ଡ଼ାକ୍ତରଖାନରେ ଭର୍ତ୍ତି କରିଥିଲେ। ତେବେ କାଳ କାଳକୁ ଭଉଣୀର ସୁରକ୍ଷା ପାଇଁ ଭାଇଙ୍କ ପ୍ରଚେଷ୍ଠା ହାରିଯାଇଥିଲା। ଚିକିତ୍ସାଧୀନ ଅବସ୍ଥାରେ ମଙ୍ଗଳବାର ସକାଳେ ତାଙ୍କର ଭଉଣୀର ମୃତ୍ୟୁ ଘଟିଥିଲା। ବଡ଼ସାହି ପୁଲିସ ଖବର ପାଇ ସେଠାରେ ପହଞ୍ଚି ତଦନ୍ତ ପୂର୍ବକ ଏକ ଅପମୃତ୍ୟୁ ମାମଲା ରୁଜୁ ପରେ ଶବବ୍ୟବଚ୍ଛେଦ କରାଇ ପରିବାର ଲୋକଙ୍କୁ ହସ୍ତାନ୍ତର କରିଛି। ଅପରାହ୍ଣରେ ଘରେ ମୃତଦେହ ପହଞ୍ଚିବା ପରେ ୩ଭାଇ କୋକେଇକୁ କାନ୍ଧ ଦେଇ ଶ୍ମଶାନକୁ ନେଇ ଅନ୍ତିମ ସଂସ୍କାର କରିବା ଘଟଣା ଦୁଃଖଦାୟକ ସାଜିଛି।

Comments
Loading...