ବଡ଼ସାହି ବ୍ଲକରେ ହଜାରେ ପାରିହେଲା କରୋନା ସଂକ୍ରମିତଙ୍କ ସଂଖ୍ୟା

ବଡ଼ସାହି:ମୟୂରଭଞ୍ଜ ଜିଲା, ବଡ଼ସାହି ବ୍ଲକରେ କରୋନା ସକ୍ରମିତଙ୍କ ସଂଖ୍ୟା ୧୦୦୦ ପାରି ହୋଇଛି। ସୋମବାର ଚିହ୍ନଟ ୩୮ଜଣ ନୂତନ ସଂକ୍ରମିତଙ୍କୁ ମିଶାଇ ବ୍ଲକର ମୋଟ ସଂକ୍ରମିତଙ୍କ ସଂଖ୍ୟା ୧୦୨୦ରେ ପହଞ୍ଚିଛି। ଚିହ୍ନଟ ୩୮ଜଣ ସଂକ୍ରମିତଙ୍କ ମଧ୍ୟରେ ଉଠାଣୀନୂଆଗାଁ ପଞ୍ଚାୟତରୁ ସର୍ବାଧିକ ୨୦ଜଣ ଥିବା ବେଳେ ଛେଳିଆ(କ) ଓ କେନ୍ଦୁଡ଼ିହା ପଞ୍ଚାୟତରୁ ୩ଜଣ ଲେଖାଏଁ, ବଡ଼ସାହି ଓ କୋଚିଳାଖୁଣ୍ଟା ପଞ୍ଚାୟତରୁ ୨ଜଣ ଲେଖାଏଁ ଅଛନ୍ତି।

ସେହିପରି ମାଣତ୍ରୀ, ମାନଗୋବିନ୍ଦପୁର, ତାଳପଦା, ସୁହାଗପୁର, ବୀରେଶ୍ୱରପୁର, ବଳଭଦ୍ରପୁର, ମାଧପୁର ଓ ପୂର୍ଣ୍ଣଚନ୍ଦ୍ରପୁର ପଞ୍ଚାୟତରୁ ଜଣେ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି। ଫଳରେ ପଞ୍ଚାୟତୱାରୀ ଚିହ୍ନଟ ସଂଖ୍ୟା ଭିତ୍ତିରେ ସୋମବାର ପର୍ଯ୍ୟନ୍ତ ବଡ଼ସାହିରୁ ସର୍ବାଧିକ ୨୦୬ଜଣ ଚିହ୍ନଟ ହୋଇଥିବା ବେଳେ ମାଣତ୍ରୀରୁ ୭୯, ମାନଗୋବିନ୍ଦପୁରରୁ ୫୯, ସାନକେରକୋରୁ ୫୪, ଗୁଡ଼ିଆଲବନ୍ଧରୁ ୪୭, ଦେଉଳିଆରୁ ୪୧, କେନ୍ଦୁଡ଼ିହା ଓ ତାଳପଦାରୁ ୪୦ଜଣ ଲେଖାଏଁ, ଯୋଗୀନୂଆଗାଁରୁ ୩୮, ଚନ୍ଦନପୁର ଓ ଦୁର୍ଗାପୁରରୁ ୩୩ଜଣ ଲେଖାଏଁ, ବଳଭଦ୍ରପୁରରୁ ୩୨, ଜାରକାଣୀରୁ ୨୪, ଛେଳିଆ(କ), କୋଚିଳାଖୁଣ୍ଟା ଓ ମାଧପୁରରୁ ୨୩ଜଣ ଲେଖାଏଁ, ନାଉପାଳରୁ ୨୨, ଖାନୁଆ, ଉଠାଣୀନୂଆଗାଁ ଓ ପଟିସାରୀରୁ ୨୧ଜଣ ଲେଖାଏଁ, ସୁହାଗପୁର ଓ ଭୀମିଦାରୁ ୧୮ଜଣ ଲେଖାଏଁ, ଶିଆଳିଘାଟୀରୁ ୧୫, ପୂର୍ଣ୍ଣଚନ୍ଦ୍ରପୁରରୁ ୧୪, ବୀରେଶ୍ୱରପୁର, ପାଉଁଶିଆ, ପ୍ରତାପପୁର ଓ ଶାଳଗାଁରୁ ୧୩ଜଣ ଲେଖାଏଁ, ଯଦୁନାଥପୁରରୁ ୧୧ ଓ ଟଙ୍ଗାଶୋଳ ପଞ୍ଚାୟତରୁ ୭ଜଣ ସଂକ୍ରମିତ ଏଯାଏଁ ଚିହ୍ନଟ ହୋଇଛନ୍ତି।

Comments
Loading...