ଜେଏମ୍‍ଏମ୍‍ ପକ୍ଷରୁ କୁଶ ପୁତଳିକା ଦାହ

0

ବଡ଼ସାହି : ଝାଡଖଣ୍ଡ ମୁକ୍ତି ମୋର୍ଚ୍ଚା ଯୁବ ଓ ଛାତ୍ର ଶାଖା ପକ୍ଷରୁ କର୍ମୀମାନେ ବଡ଼ସାହି ବଜାରରେ ଥିବା ମହାତ୍ମାଗାନ୍ଧିଙ୍କ ପ୍ରତିମୂର୍ତ୍ତି ସମ୍ମୁଖରେ ମାନ୍ୟବର ମୁଖ୍ୟମନ୍ତ୍ରୀ, ସାଂସଦ ଓ ବିଧାୟକଙ୍କ କୁଶପୁତ୍ତଳିକା ଦାହ କରିଛନ୍ତି। ଆଦିବାସୀ ଅଧ୍ୟୁଷିତ ମୟୂରଭଞ୍ଜ ଜିଲା ପ୍ରତି ରାଜ୍ୟ ସରକାରଙ୍କ ଅବହେଳା ଓ ବୈମାତୃକ ମନୋଭାବ ପାଇଁ ଦଳ ପକ୍ଷରୁ ସପ୍ତାହ ବ୍ୟାପୀ ଜିଲାର ସମସ୍ତ ବ୍ଲକ ସଦର ମହକୁମାରେ ଆୟେଜିତ କାର୍ଯ୍ୟକ୍ରମ ସ୍ୱରୁପ ପ୍ରତିବାଦ କରାଯାଉଛି। ଜିଲାର ପ୍ରମୁଖ ସମସ୍ୟା ମଧ୍ୟରେ ସ୍ୱାସ୍ଥ୍ୟ, ଶିକ୍ଷା ଓ ଗମନାଗମନ ଆଦିକୁ ନେଇ ଜେଏମ୍‍ଏମ୍‍ ର ଜିଲା ଛାତ୍ର ସଭାପତି ଧନଞ୍ଜୟ ସାହୁଙ୍କ ନେତୃତ୍ୱରେ କର୍ମୀମାନେ ରାଜ୍ୟ ସରକାରଙ୍କ ବିରୁଦ୍ଧରେ କଟୁ ସମାଲୋଚନା କରିବା ସହ ସ୍ଳେଗାନ ଦେଇଥିଲେ। ଆଗାମୀ ଦିନରେ ରାଜ୍ୟ ସାଧାରଣ ସମ୍ପାଦକ କଳିଙ୍ଗ କେଶରୀ ଜେନାଙ୍କ ନେତୃତ୍ୱରେ ଆନ୍ଦୋଳନକୁ ତୀବ୍ର କରାଯିବ ବୋଲି ଚେତାବନୀ ଦେଇଛନ୍ତି। ଅନ୍ୟମାନଙ୍କ ମଧ୍ୟରେ ଜିଲା ଛାତ୍ର ଉପସଭାପତି ଦୀନେଶ ସାହୁ, ସମ୍ପାଦକ ବିଶ୍ୱଜିତ ବାରିକ, ବଡ଼ସାହି ବ୍ଳକ ଛାତ୍ର ସଭାପତି ରାଜୀବ ବେହେରା, ରାଜେଶ ରୋଶନ ସେଠୀ, ଅମରେଶ ମହାକୁଡ ଓ ଅନିକେତ ସାତୁଆ ପ୍ରମୁଖ ଆନ୍ଦୋଳନରେ ସାମିଲ ଥିଲେ।

Comments
Loading...