ଜଟଣୀ: ସିକନ୍ଦରାବାଦ-ହାୱଡ଼ା ସ୍ପେଶାଲ ଟ୍ରେନରେ ଖୋର୍ଦ୍ଧାରୋଡ଼ ରେଳ ଷ୍ଟେସନଠାରେ ଜଣେ ମହିଳା ରେଳଯାତ୍ରୀ ବୁଧବାର ଏକ ପୁତ୍ର ସନ୍ତାନ ଜନ୍ମ ଦେଇଥିବା ଜଣାପଡ଼ିଛି। ସାଇରା ଫତିମା(୩୨) ଆଜି ସିକନ୍ଦରବାଦରୁ ହାୱଡ଼ା ଯାତ୍ରା କରୁଥିଲେ। ଦିନ ସାଢ଼େ ୧୧ଟାରେ ଖୋର୍ଦ୍ଧାରୋଡ଼ ରେଳ ଷ୍ଟେସନରେ ଟ୍ରେନ୍ ଠିଆ ହୋଇଥିବା ବେଳେ ସେ ଗର୍ଭ ବେଦନା ଅନୁଭବ କରିଥିଲେ। ରେଳଯାତ୍ରୀଙ୍କ ପକ୍ଷରୁ ଏ ସମ୍ପର୍କରେ ଷ୍ଟେସନ ମ୍ୟାନେଜରଙ୍କୁ ସୂଚନା ଦିଆଯାଇଥିଲା। ଷ୍ଟେସନ ମ୍ୟାନେଜର ରବିନ୍ଦ୍ର କୁମାର ମଲ୍ଲିକ ରେଳବାଇ ହସ୍ପିଟାଲକୁ ଖବର ଦେଇଥିଲେ। ଇତ୍ୟବସରରେ ବଗି ଭିତରେ ଥିବା ଅନ୍ୟ ମହିଳାଙ୍କ ସହାୟତା ନିଆଯାଇଥିଲା। ରେଳବାଇ ଡ଼ାକ୍ତର ଏବଂ ନର୍ସ ଆସି ପହଞ୍ଚି ଯାଇଥିଲେ। କୋଚ୍ ନଂ ଏସ-୭ରେ ସମ୍ପୃକ୍ତ ମହିଳା ପୁତ୍ର ସନ୍ତାନ ଜନ୍ମ ଦେଇଥିଲେ। କିଛି ସମୟ ପାଇଁ ଟ୍ରେନ୍ ଅଟକି ରହିଥିଲା। ରେଳବାଇର ଆମ୍ବୁଲାନ୍ସ ଯୋଗେ ପ୍ରସୂତି ମହିଳାଙ୍କୁ ଜଟଣୀ ଅର୍ବାନ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ପଠାଇ ଦିଆଯାଇଥିଲା। ମା’ ଏବଂ ନବଜାତକ ଶିଶୁ ପୁତ୍ର ଉଭୟ ସୁସ୍ଥ ରହିଥିବା ପ୍ରକାଶ।
Comments are closed.