ଆଇଆଇଟି ଗୋଆ ନିର୍ଦେଶକ ପ୍ରଫେସର ବରଦାକାନ୍ତ ମିଶ୍ରଙ୍କୁ ଇନ୍‌ଷ୍ଟିଚ୍ୟୁସନ୍‌ ଅଫ୍‌ ଇଞ୍ଜିନିୟର ଇଣ୍ଡିଆ(ଆଇଇଆଇ) ଏମିନେଣ୍ଟ ଇଞ୍ଜିନିୟର ଆୱାର୍ଡ

ଭୁବନେଶ୍ବର: ଆଇଆଇଟି ଗୋଆ ନିର୍ଦେଶକ ପ୍ରଫେସର ବରଦାକାନ୍ତ ମିଶ୍ରଙ୍କୁ ଇନ୍‌ଷ୍ଟିଚ୍ୟୁସନ୍‌ ଅଫ୍‌ ଇଞ୍ଜିନିୟର ଇଣ୍ଡିଆ(ଆଇଇଆଇ) ଏମିନେଣ୍ଟ ଇଞ୍ଜିନିୟର ଆୱାର୍ଡ ୨୦୨୦ ପ୍ରଦାନ କରାଯାଇଛି। ଆଇଇଆଇ ଦୁର୍ଗାପୁର ଚାପ୍ଟର ପକ୍ଷରୁ ଆଇଇଆଇ ଗୋଆ ଅଧ୍ୟକ୍ଷ ତଥା ସମ୍ମାନଜନକ ସଚିବ ତାଙ୍କୁ ଏହି ପୁରସ୍କାର ପ୍ରଦାନ କରିଛନ୍ତି। ଭୁବନେଶ୍ବର ସିଏସ୍‌ଆଇଆର୍‌ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ମିନେରାଲସ୍‌(ଆଇଏମ୍‌ଏମ୍‌ଟି)ରେ ନିର୍ଦେଶକ ଭାବେ ସଫଳତା ସହ କାର୍ଯ୍ୟ କରିଥିଲେ। ସେ ବିଭିନ୍ନ ଶିକ୍ଷାନୁଷ୍ଠାନ ଓ ଶିକ୍ଷାବିତ୍‌ ତଥା ଛାତ୍ରଛାତ୍ରୀଙ୍କୁ ଗହଣରେ ପ୍ରଫେସର ବି.କେ.ମିଶ୍ର ଭାବେ ଜଣାଶୁଣା।
ଆଇଆଇଟି ଗୋଆରେ ମେଟେରିଆଲ୍‌ ଇଞ୍ଜିନିୟରିଂ ବିଭାଗରେ ନିର୍ଦେଶକ ଭାବେ କାର୍ଯ୍ୟରତ ପ୍ରଫେସର ବି.କେ.ମିଶ୍ର ଏନ୍‌ଆଇଟି ରାଉରକେଲାରୁ ବିଟେକ୍‌ରେ ଉତ୍ତୀର୍ଣ୍ଣ ହେବାପରେ ଆମେରିକାର ୱାଇନି ଷ୍ଟେଟ୍‌ ୟୁନିଭର୍ସିଟି ଅଫ୍ ମିଚିଗାନ୍‌ରେ ୧୯୮୬ରେ ମେଟାଲର୍ଜିକାଲ୍‌ ଇଞ୍ଜିନିୟରିଂରେ ଏମ୍‌ଏସ୍‌ସି ଏବଂ ଆମେରିକା ୟୁନିଭର୍ସିଟି ଅଫ୍‌ ଉତ୍‌ଥା ସଲ୍ଟ ଲେକ୍‌ସିଟିରୁ ୧୯୯୧ରେ ପିଏଚ୍‌ଡି ଡିଗ୍ରୀ ପ୍ରାପ୍ତ କରିଥିଲେ। ମେଟାଲର୍ଜିକାଲ୍‌ ଇଞ୍ଜିନିୟରିଂ କ୍ଷେତ୍ରରେ ଉତ୍କର୍ଷତା ପାଇଁ ଭାସ୍‌ଭିକ୍‌ ଆୱାର୍ଡ, ନ୍ୟାସ୍‌ନାଲ୍‌ ମିନେରାଲ୍‌ ଆୱାର୍ଡ, ଆଇଆଇଏମ୍‌ଇ ମିନେରାଲ୍‌ ବେନିଫିଏସନ୍‌ ଆୱାର୍ଡ ଆଦି ସମ୍ମାନରେ ପ୍ରଫେସର ବି.କେ.ମିଶ୍ର ସମ୍ମାନିତ ହୋଇଛନ୍ତି।

Comments
Loading...