ଭାଲୁ କାମୁଡାରେ ବୃଦ୍ଧ ଗୁରୁତର

ହରଭଙ୍ଗା : ବୌଦ୍ଧ ଜିଲ୍ଲା ହରଭଙ୍ଗା ଥାନା ଅର୍ନ୍ତଗତ ଶଙ୍କୁଲେଇ ପଞ୍ଚାୟତ ବିଶିପାଲ୍ଲୀ ଗ୍ରାମର ଘାସିରାମ କର୍ମୀ(୬୫) ନାମକ ଜଣେ ବୃଦ୍ଧ ରବିବାର ସକାଳେ ଦୁଇଟି ଜଙ୍ଗଲୀ ଭାଲୁ କାମୁଡାରେ ଗୁରୁତର ଆହାତ ହୋଇଥିବା ଜଣାପଡ଼ିଛି। ରାସ୍ତା ଖରାପ ଯୋଗୁଁ ଆମ୍ବୁଲାନ୍ସ ଗାଡି ଗାଁକୁ ପହଞ୍ଚି ପାରି ନ ଥିଲା । ଯାହାଫଳରେ ଗୁରୁତର ଘାସିରାମକୁ ଗ୍ରାମର ସମାଜସେବୀମାନେ ଏକ ଖଟିଆରେ ବୋହି ୩ କିମି ଚାଲି ଚାଲି ଅଟକି ରହିଥିବା ଆମ୍ବୁଲାନ୍ସ ନିକଟକୁ ନେଇଥିଲେ।

ସୂଚନା ଅନୁଯାୟୀ, ଆଜି ସକାଳେ ବିଶିପାଲ୍ଲୀ ଗ୍ରାମର ଘାସିରାମ କର୍ମୀ ତାଙ୍କ ଘର ପଛ ପଟ ବିଲକୁ ସୌଚ ପାଇଁ ଯାଇଥିଲେ। ଏହି ସମୟରେ ଜଙ୍ଗଲ ଉହାଡରୁ ଦୁଇଟି ଜଙ୍ଗଲୀଭାଲୁଙ୍କ ହାବୁଡରେ ପଡ଼ି ସେ ଆକ୍ରମଣର ଶୀକାର ହୋଇଥିଲେ। ଭାଲୁ ଆକ୍ରମଣରେ ତାଙ୍କ ଡାହାଣ ଜଘଂ ସହିତ ପଛ ପିଚାକୁ କ୍ଷତାକ୍ତ କରିପକାଇଥିଲେ। ପରିବାରଲୋକେ ଘାସିରାମକୁ ଘଟଣାସ୍ଥଳରୁ ଉଦ୍ଧାର କରି ମେଡିକାଲକୁ ନେବା ପାଇଁ ଆମ୍ବୁଲାନ୍ସ ଡକାଇଥିଲେ।ରାସ୍ତା ଖରାପ ଯୋଗୁଁ ଠାକୁରମୁଣ୍ଡାରୁ ଗାଡି ଆଗକୁ ଆସିପାରିନଥିଲା। ଫଳରେ ଗୁରୁତର ଘାସିରାମଙ୍କୁ ଖଟରେ ବୁହା ହୋଇ ଆମ୍ବୁଲାନ୍ସ ପାଖରେ ପଂହଚାଯାଇଥିବା ଭଳି ଆଉ ଏକ ଅଭାବନୀୟ ଚିତ୍ର ଦେଖିବାକୁ ମିଳିଛି । ପ୍ରଥମେ ତାଙ୍କୁ ଚିକିତ୍ସା ପାଇଁ ହରଭଙ୍ଗା ମେଡିକାଲ ପଂହଚାଯାଇଥିଲା। ତାଙ୍କ ଅବସ୍ଥା ଗୁରୁତର ଥିବାରୁ ସେଠାରୁ ଡାକ୍ତର ବୌଦ୍ଧ ମେଡିକାଲ ଚିକିତ୍ସା ପାଇଁ ପଠାଇଥିବା ଜଣାପଡ଼ିଛି। ତୁରନ୍ତ ଗୁରୁତର ଘାସିରାମକୁ ଆବଶ୍ୟକୀୟ ସରକାରୀ ସହାୟତା ଯୋଗାଇବାକୁ ସମାଜସେବୀ ସରୋଜ ମହାକୁଡ ଦାବି କରିଛନ୍ତି।