ସମ୍ବିତ ପାତ୍ରଙ୍କ କାର୍‌କୁ ଆକ୍ରମଣ

ଭୁବନେଶ୍ଵର: ବିଜେପିର ବରିଷ୍ଠ ନେତା ତଥା ମୁଖପାତ୍ର ସମ୍ବିତ ପାତ୍ରଙ୍କ କାର୍‌କୁ ଆକ୍ରମଣ କରାଯାଇଛି। ସେ ପଶ୍ଚିମବଙ୍ଗରେ ଥିବାବେଳେ ଏହି ଆକ୍ରମଣ ହୋଇଛି। ପାତ୍ର ଦଳୀୟ କାର୍ଯ୍ୟକର୍ତ୍ତମାନଙ୍କ ସହିତ କାରରେ ଯାଉଥିବାବେଳେ କିଛି ବ୍ୟକ୍ତି ତାଙ୍କ ଗାଡ଼ିକୁ ଅଟକାଇ କାଚ ଭାଙ୍ଗି ଦେଇଛନ୍ତି।

ଏହାର ଫଟୋ ସହିତ ଘଟଣା ବିଷୟରେ ନିଜେ ସମ୍ବିତ ଟ୍ବିଟ୍‌ରରେ ସୂଚନା ଦେଇଛନ୍ତି। କାର୍‌ରେ ବିପେତି ନେତା ଶିବପ୍ରକାଶ, ସଞ୍ଜୟ ମାୟୁଖ ଉପସ୍ଥିତ ଥିଲେ। ଆକ୍ରମଣରେ ଜଣେ କାର୍ଯ୍ୟକର୍ତ୍ତା ରକ୍ତାକ୍ତ ହୋଇପଡ଼ିଥିବା ପାତ୍ର କହିଛନ୍ତି। ଏହା କ’ଣ ଗଣତନ୍ତ୍ର ବୋଲି ସେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ପ୍ରଶ୍ନ କରିଛନ୍ତି।

ବିଜେପି ଅଧ୍ୟକ୍ଷ ଜେ.ପି. ନଡ୍ଡା ୨ ଦିନିଆ ପଶ୍ଚିମବଙ୍ଗ ଗସ୍ତରେ ଯାଇଥିବାବେଳେ ସେଠାରେ ଟିଏମସି କର୍ମକର୍ତ୍ତାମାନେ ତାଙ୍କୁ ପ୍ରବଳ ବିରୋଧ କରିଛନ୍ତି। ଗତକାଲି ଟିଏମସି କର୍ମୀମାନେ ନଡ୍ଡାଙ୍କୁ କଳା ପତାକା ଦେଖାଇଥିଲେ। ଆଜି ଗସ୍ତର ଶେଷ ଦିନରେ ବିଜେପିର ରାଲି ବାହାରିବାର ଥିଲା। ଏହା ପୂର୍ବରୁ କାର୍ଯ୍ୟକର୍ତ୍ତାମାନଙ୍କୁ ଆକ୍ରମଣ କରାଯାଇଛି।

Comments
Loading...