ହୋମଗାର୍ଡଙ୍କୁ ଆକ୍ରମଣ ଅଭିଯୋଗ

0

ପୁରୀ: ଜଣେ ହୋମଗାର୍ଡଙ୍କୁ ଖଣ୍ଡାରେ ଆକ୍ରମଣ ହୋଇଥିବାର ଅଭିଯୋଗ ହୋଇଛି। ପୁରୀ ଜିଲା ମଶାଶି ଚଣ୍ଡୀ ଛକରେ ଏହି ଆକ୍ରମଣ ହୋଇଛି। ଗୁରୁତର ଅବସ୍ଥାରେ ହୋମଗାର୍ଡ ଗୁଣମଣିଙ୍କୁ ପୁରୀ ଡାକ୍ତରଖାନାରେ ଭର୍ତ୍ତି କରାଯାଇଛି। ତାଙ୍କର ବାମ ହାତ, ମୁଣ୍ଡ ଓ ପିଠିରେ ଗଭୀର ଆଘାତ ଲାଗିଛି।
ସୂଚନାଯୋଗ୍ୟ ଯେ, ଗତ ଦୁଇ ଦିନ ତଳେ ବାସେଳୀ ଥାନା ଗୋଖା ସାହିରେ ଜମିଜମା ବିବାଦକୁ ନେଇ ବୋମାମାଡ ହୋଇଥିଲା। ଏହି ଘଟଣାରେ ସ୍ଥାନୀୟ ଯୁବକଙ୍କ ସମ୍ପୃକ୍ତି ଥିବା ପୁଲିସ ସନ୍ଦେହ କରୁଥିଲା। ଅଘଟଣ ଆଶଙ୍କାରେ ପୁଲିସ ସେଠାରେ ପାଟ୍ରୋଲିଂ କରୁଥିଲା। ବୋମାମାଡରେ ସମ୍ପୃକ୍ତ ଥିବା ଦୁଇ ଜଣ ଯୁବକଙ୍କ ଉପରେ ସନ୍ଦେହ କରି ପୁଲିସ ସେମାନଙ୍କର ପିଛା କରିଥିଲା। ମାତ୍ର ସେମାନେ ଖସି ପଳାଇଥିଲେ। କିନ୍ତୁ ମଶାଣି ଚଣ୍ଡୀ ଛକରେ ମଙ୍ଗଳବାର ଭୋର ୫ଟା ସମୟରେ ହୋମଗାର୍ଡ ଗୁଣମଣିଙ୍କୁ ଏକୁଟିଆ ଦେଖି ଦୁବୃର୍ତ୍ତମାନେ ଖଣ୍ଡାରେ ଆକ୍ରମଣ କରିଥିଲେ ବୋଲି ଅଭିଯୋଗ ହୋଇଛି।

Comments
Loading...