ଗୋପବନ୍ଧୁ ବିଜ୍ଞାନ କଲେଜରେ ସାମୁହିକ ବିଦାୟ ସମ୍ବର୍ଦ୍ଧନା

ଆଠଗଡ: ଆଠଗଡସ୍ଥିତ ଗୋପବନ୍ଧୁ ବିଜ୍ଞାନ ମହାବିଦ୍ୟାଳୟର ଶିକ୍ଷକ ଓ ଅଣଶିକ୍ଷକ କର୍ମଚାରୀ ସଂଘ ପକ୍ଷରୁ ନିକଟରେ ଅବସର ଗ୍ରହଣ କରିଥିବା କଲେଜର ପ୍ରାକ୍ତନ ଅଧ୍ୟକ୍ଷ, ଅଧ୍ୟାପକ, ଅଧ୍ୟାପିକା ପ୍ରମୁଖଙ୍କୁ ବୁଧବାର ବିଦାୟକାଳୀନ ସମ୍ବର୍ଦ୍ଧନା ଜ୍ଞାପନ କରାଯାଇଛି। କଲେଜର ଅଧ୍ୟକ୍ଷ ଡଃ ଲୋକନାଥ ସାହୁଙ୍କ ସଂଯୋଜନାରେ ଅନୁଷ୍ଠିତ ଏହି ସଭାରେ ପ୍ରାକ୍ତନ ଅଧ୍ୟକ୍ଷ ହରେକୃଷ୍ଣ ପରିଡା, ଅଧ୍ୟାପକ ଉମେଶଚନ୍ଦ୍ର ବିଶ୍ୱାଳ, ସନ୍ତୋଷ କୁମାର ମହାନ୍ତି, ହରିହର ପାଢୀ, ଅଧ୍ୟାପିକା ରିନା କାନୁନ୍‍ଗୋ ଓ ବରିଷ୍ଠ କିରାଣୀ ଧର୍ମାନନ୍ଦ ସାହୁଙ୍କୁ ଅବସରକାଳିନ ବିଦାୟ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା। ଅଧ୍ୟକ୍ଷ ଡଃ ସାହୁଙ୍କ ସମେତ ଶିକ୍ଷକ ଓ କର୍ମଚାରୀ ସଂଘର ସଂପାଦକ ଅଧ୍ୟାପକ ପ୍ରତାପ କିଶୋର ଖାଟୋଇ ଅଧ୍ୟାପକ ପ୍ରଣବ କୁମାର ଦାସ ଓ ଅନ୍ୟ ଅଧ୍ୟାପକ/ଅଧ୍ୟାପିକା ବିଦାୟୀ ଅଧ୍ୟକ୍ଷ, ଅଧ୍ୟାପକ, ଅଧ୍ୟାପିକା ଓ କର୍ମଚାରୀଙ୍କର ପ୍ରତିଭା, ଦକ୍ଷତା ଓ କଲେଜ ପ୍ରତି ଅବଦାନ ସଂପର୍କରେ ଆଲୋକପାତ କରିଥିଲେ। ଶେଷରେ ଅଧ୍ୟାପକ ଡଃ ଅଞ୍ଜନ କୁମାର ନନ୍ଦ ଧନ୍ୟବାଦ ଅର୍ପଣ କରିଥିଲେ।

Comments
Loading...