ଆସାମରେ ମୂଳ ମୁସଲମାନଙ୍କ ଚିହ୍ନଟ ପାଇଁ ସର୍ଭେ ହେବ

ଗୁଆହାଟୀ : ଆସାମ ସରକାର ରାଜ୍ୟରେ ବସବାସ କରୁଥିବା ମୂଳ ମୁସଲମାନଙ୍କୁ ଚିହ୍ନଟ ପାଇଁ ଏକ ସର୍ଭେ କରିବାକୁ ନିଷ୍ପତ୍ତି ନେଇଛନ୍ତି। ଏ ସମ୍ପର୍କରେ ରାଜ୍ୟର ସଂଖ୍ୟାଲଘୁ କଲ୍ୟାଣ ମନ୍ତ୍ରୀ ରଞ୍ଜିତ ଦତ୍ତଙ୍କ ଅଧ୍ୟକ୍ଷତାରେ ସମ୍ପ୍ରତି ଏକ ବୈଠକ ଅନୁଷ୍ଠିତ ହୋଇଛି। ବୈଠକରେ ଗୋରିଆ, ମୋରିଆ, ଦେଶୀ ଓ ଜୋଲା ଭଳି ୪ ସମ୍ପ୍ରଦାୟର ଲୋକଙ୍କୁ ଚିହ୍ନଟ କରାଯିବ ବୋଲି ନିଷ୍ପତ୍ତି ହୋଇଛି। ଏଥିସହିତ ମୂଳ ମୁସଲମାନଙ୍କଠାରୁ ବାଂଲାଦେଶରୁ ଆସିଥିବା ମୁସଲମାନଙ୍କୁ ଅଲଗା କରାଯିବ ବୋଲି ମନ୍ତ୍ରୀ ସୂଚନା ଦେଇଛନ୍ତି। ଆସାମରେ ୧କୋଟି ୩୦ଲକ୍ଷ ମୁସଲମାନ ଅଛନ୍ତି। ସେମାନଙ୍କ ମଧ୍ୟରୁ ୯୦ଲକ୍ଷ ବାଂଲାଦେଶୀ ମୂଳ ବୋଲି ଏନଆରସିରୁ ଚିହ୍ନଟ ହୋଇଛନ୍ତି। ଅବଶିଷ୍ଟ ମୂଳ ଅଧିବାସୀ ବୋଲି ସରକାର କହୁଛନ୍ତି।

Comments
Loading...