ଗୁଆହାଟୀ : ଆସାମ ଜାତୀୟ ନାଗରିକ ପଞ୍ଜିକା (ଏନ୍ସିଆର)ରେ ପଞ୍ଜୀକରଣ ପାଇଁ ଅଦ୍ୟାବଧି ମୋଟ ୪୦ଲକ୍ଷ ମଧ୍ୟରୁ ମାତ୍ର ସାଢ଼େ ୪ଲକ୍ଷ ଆବେଦନ କରିଥିବା ଜଣାପଡ଼ିଛି। ଏହି ୪୦ଲକ୍ଷ ଚିଠା ଏନ୍ସିଆର ତାଲିକାରୁ ବାଦ ପଡ଼ିବା ପରେ ସୁପ୍ରିମକୋର୍ଟ ନିର୍ଦେଶ ଅନୁଯାୟୀ ନିଜକୁ ଭାରତୀୟ ନାଗରିକ ଭାବେ ପୁନର୍ବାର ତଥ୍ୟପ୍ରମାଣ ସହିତ ଆବେଦନ କରିବାର ସୁଯୋଗ ଦିଆଯାଇଛି। ଏତେ କମ୍ ସଂଖ୍ୟାରେ ଆବେଦନ କରାଯିବା ନେଇ ଶନିବାର କେନ୍ଦ୍ର ସ୍ୱରାଷ୍ଟ୍ରମନ୍ତ୍ରୀ ରାଜନାଥ ସିଂହ, ବିଜେପି ସଭାପତି ଅମିତ ଶାହ ଆସାମ ମୁଖ୍ୟମନ୍ତ୍ରୀ ସର୍ବାନନ୍ଦ ସୋନୋୱାଲ ସ୍ୱରାଷ୍ଟ୍ର ସଚିବ ରାଜୀବ ଗୌବା ଓ ଆଇବି ନିର୍ଦେଶକ ରାଜୀବ ଜୈନ ପ୍ରମୁଖ ଏକ ବୈଠକରେ ଆଲୋଚନା କରିଛନ୍ତି। ଜୁଲାଇ ୩୦ରେ ଏନ୍ଆରସି ତାଲିକା ପ୍ରକାଶ ପାଇବା ପରେ ୪୦ଲକ୍ଷ ଲୋକ ନାଗରିକତା ହରାଇବା ନେଇ ବିବାଦ ସୃଷ୍ଟି ହୋଇଥିଲା।
