ପିପିଇ କିଟ୍‍ ପିନ୍ଧି ଡାକ୍ତର କଲେ ଏମିତି ଡାନ୍ସ, ଫ୍ୟାନ୍‍ ହୋଇଗଲେ ହ୍ରିତିକ୍‍

ମୁମ୍ବଇ: ଆସାମର ଜଣେ ଡାକ୍ତର କରୋନା ରୋଗୀମାନଙ୍କ ମୁହଁରେ ଟିକିଏ ହସ ଫୁଟାଇବା ପାଇଁ ‘ୱାର୍‍’ ଫିଲ୍ମର ଘୁଙ୍ଗ୍‍ରୁ ଟୁଟ୍‍ ଗୟେ ଗୀତରେ ଜବରଦସ୍ତ ଡାନ୍ସ କରିଛନ୍ତି। ଡାକ୍ତରଙ୍କ ଏହି ଭିଡିଓ ସାମାଜିକ ଗଣମାଧ୍ୟମରେ ଖୁବ୍‍ ଭାଇରାଲ୍‍ ହେବାରେ ଲାଗିଛି। ଏହି ଭିଡିଓ ଦେଖି ବଲିଉଡ଼ ଅଭିନେତା ହ୍ରିତିକ୍‍ ରୋଶନ୍‍ ମଧ୍ୟ ଡାକ୍ତରଙ୍କର ଭୁରି ଭୁରି ପ୍ରଶଂସା କରିଛନ୍ତି। ଡାକ୍ତରଙ୍କ ଭିଡିଓ ଶେୟାର କରି ହ୍ରିତିକ୍‍ ଲେଖିଛନ୍ତି, “ଡାକ୍ତରଙ୍କୁ କୁହନ୍ତୁ ଯେ ଦିନେ ମୁଁ ଆସାମ ଯାଇ ତାଙ୍କ ପାଖରୁ ତାଙ୍କ ଡାନ୍ସ ଷ୍ଟେପ୍‍ ଶିଖିବି”। ପ୍ରଶଂସକମାନେ ହ୍ରିତିକଙ୍କ ଏହି ପୋଷ୍ଟର ଖୁବ୍‍ ପ୍ରଶଂସା କରିଛନ୍ତି।

Tell Dr Arup I’m gonna learn his steps and dance as good as him someday in Assam . Terrific spirit . ?? https://t.co/AdBCarfCYO

— Hrithik Roshan (@iHrithik) October 19, 2020

ଭିଡିଓରେ ଇଏନ୍‍ଟି ସର୍ଜନ ଡା. ଅରୁପ ପିପିଇ କିଟ୍‍ ପିନ୍ଧି କରୋନା ସଂକ୍ରମିତମାନଙ୍କ ସାମ୍ନାରେ ‘ଘୁଙ୍ଗ୍‍ରୁ ଟୁଟ୍‍ ଗୟେ’ ଗୀତରେ ନାଚୁଥିବା ଦେଖିବାକୁ ମିଳିଛି। ଏଥିରେ ସେ ହ୍ରିତିକଙ୍କ ସିଗ୍‍ନେଚର୍‍ ଷ୍ଟେପ୍‍ ମଧ୍ୟ କରୁଛନ୍ତି। ଭିଡିଓ ଦେଖି ଲୋକେ ଡା. ଅରୁପଙ୍କର ଖୁବ୍‍ ପ୍ରଶଂସା କରିଛନ୍ତି। ସୈୟଦ୍‍ ଫୈଜାନ ଅହମଦ ନାମକ ଜଣେ ଡାକ୍ତର ରବିବାର ଟ୍ୱିଟରରେ ଏହି ଭିଡିଓ ପ୍ରଥମେ ଶେୟାର କରିଥିଲେ।