କରୋନା ଆକ୍ରାନ୍ତ ସାଂସଦ ଅଶୋକଙ୍କ ପରଲୋକ

ବେଙ୍ଗାଲୁରୁ : ବିଜେପିର ରାଜ୍ୟସଭା ସାଂସଦ ଅଶୋକ ଗାଷ୍ଟି (୫୫)ଙ୍କର ଗୁରୁବାର କରୋନା ଭୂତାଣୁ ସଂକ୍ରମଣରେ ମୃତ୍ୟୁ ହୋଇଛି। ସେପ୍ଟେମ୍ବର ୨ରେ ସେ କରୋନା ସଂକ୍ରମିତ ହେବା ପରେ ସ୍ଥାନୀୟ ମଣିପାଳ ହସ୍ପିଟାଲରେ ଚିକିତ୍ସିତ ହେଉଥିଲେ। ତାଙ୍କର ଶ୍ବାସକ୍ରିୟା ଜନିତ ସମସ୍ୟା ଦେଖାଯିବାରୁ ଭେଣ୍ଟିଲେଟରରେ ରଖାଯାଇଥିଲା। କରୋନା ସହିତ ସେ ଅନ୍ୟାନ୍ୟ ସ୍ବାସ୍ଥ୍ୟ ସମସ୍ୟାରେ ପୀଡିତ ଥିଲେ ବୋଲି ଡାକ୍ତରଖାନା ପକ୍ଷରୁ କୁହାଯାଇଛି। ନିକଟରେ ସେ କର୍ଣ୍ଣାଟକରୁ ରାଜ୍ୟସଭାକୁ ନିର୍ବାଚିତ ହୋଇଛି। ସେ କର୍ଣ୍ଣାଟକ ରାଇଚୁର ଜିଲାର ବାସିନ୍ଦା। ଜୁଲାଇ ୨୨ରେ ସାଂସଦ ଭାବେ ଶପଥ ନେଇଥିଲେ। କର୍ଣ୍ଣାଟକ ବିଜେପିର ସେ ଜଣେ ବରିଷ୍ଠ ନେତା ଥିଲେ। ଆରଏସଏସ ଓ ଏବିଭିପି ଭଳି ସଂଗଠନ ସହିତ ଦୀର୍ଘବର୍ଷ ହେଲା ଜଡିତ ଥିଲେ। ତାଙ୍କ ମୃତ୍ୟୁରେ ଉପରାଷ୍ଟ୍ରପତି ଭେଙ୍କୟା ନାଇଡୁ ଶୋକ ପ୍ରକାଶ କରିଛନ୍ତି। ଅନ୍ୟମାନଙ୍କ ମଧ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା, ବାଚସ୍ପତି ଓମ୍ ବିର୍ଲା ପ୍ରମୁଖ ଅଶୋକଙ୍କ ମୃତ୍ୟୁରେ ଶୋକ ପ୍ରକାଶ କରିଛନ୍ତି।

Comments are closed.