କଲକାତା : ବିହାର ବିଧାନସଭା ନିର୍ବାଚନରେ ଅପ୍ରତ୍ୟାଶିତ ସଫଳତା ହାସଲ ପରେ ଉତ୍ସାହିତ ଏଆଇଏମ୍ଆଇଏମ୍ ମୁଖ୍ୟ ତଥା ହାଇଦରାବାଦ ସାଂସଦ ଓସାଦୁଦ୍ଦିନ ଓୱେସିଙ୍କୁ ପଶ୍ଚିମବଙ୍ଗରେ ଗଭୀର ଧକ୍କା ଲାଗିଛି। ଆସନ୍ତା ବର୍ଷ ଏହି ରାଜ୍ୟର ବିଧାନସଭା ନିର୍ବାଚନରେ ପ୍ରାର୍ଥୀ ଦେବେ ବୋଲି ଓୱେସି ଘୋଷଣା କରିଥିବାବେଳେ ତାଙ୍କ ଦଳର ପଶ୍ଚିମବଙ୍ଗ ଆବାହକ ଥିବା ଶେଖ୍ ଅନୱାର ହୁସେନ୍ ପାଶା ସୋମବାର ଦଳ ଛାଡ଼ି ତୃଣମୂଳ କଂଗ୍ରେସରେ ଯୋଗ ଦେଇଛନ୍ତି। ଏଥିସହିତ ସେ ସାମ୍ପ୍ରଦାୟିକ ବିଭାଜନ ରାଜନୀତି କରୁଥିବା ଓୱେସିଙ୍କୁ ପଶ୍ଚିମବଙ୍ଗ ରାଜନୀତିରେ ମୁଣ୍ଡ ନ ପୂରାଇ ରାଜ୍ୟରୁ ଦୂରେଇ ରହିବାକୁ ଚେତାବନୀ ଦେଇଛନ୍ତି। ଓୱେସିଙ୍କ ବିଭାଜନକାରୀ ରାଜନୀତି ଯୋଗୁଁ ବିହାରରେ ବିଜେପିକୁ ଲାଭ ମିଳିଲା ବୋଲି ସେ ଆରୋପ ଲଗାଇଛନ୍ତି। ପଶ୍ଚିମବଙ୍ଗରେ ଏଭଳି ପ୍ରୟାସ କଲେ ଫଳାଫଳ ଭୟଙ୍କର ହେବ ବୋଲି ମଧ୍ୟ ସେ ଚେତାଇ ଦେଇଛନ୍ତି। ପଶ୍ଚିମବଙ୍ଗରେ ୩୦ପ୍ରତିଶତ ସଂଖ୍ୟାଲଘୁ ଅଛନ୍ତି। ସେମାନଙ୍କ କ୍ଷେତ୍ରରେ ଯଦି ବିହାର ଶୈଳୀ ଅବଳମ୍ବନ କରାଯାଏ; ତେବେ ରାଜ୍ୟରେ ଭୟଙ୍କର ପରିସ୍ଥିତି ଉପୁଜିବ; ତେଣୁ ଓୱେସି ପଶ୍ଚିମବଙ୍ଗରେ ପ୍ରବେଶ ନ କରିବାକୁ ଅନୱାର କହିଛନ୍ତି। ଏହି ଅବସରରେ ସେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଜୋରଦାର ପ୍ରଶଂସା କରିଛନ୍ତି।
ପଶ୍ଚିମବଙ୍ଗରେ ଓୱେସିଙ୍କୁ ଧକ୍କା; ଏଆଇଏମ୍ଆଇଏମ୍ ଆବାହକ ତୃଣମୂଳରେ ସାମିଲ
Popular Categories
Previous article
Next article