ଅର୍ଣ୍ଣବଙ୍କୁ ମିଳିଲାନି ଆଶ୍ବସ୍ତି ; ଆସନ୍ତାକାଲି ୧୨ଟାରେ ଶୁଣାଣି

ମୁମ୍ବଇ : ରିପବ୍ଲିକ୍ ଟିଭିର ସମ୍ପାଦକ ଅର୍ଣ୍ଣବ ଗୋସ୍ବାମୀଙ୍କୁ ଶୁକ୍ରବାର ଦିନ ବମ୍ବେ ହାଇକୋର୍ଟରୁ କୌଣସି ଆଶ୍ବସ୍ତି ମିଳିନାହିଁ। ଆସନ୍ତାକାଲି (ଶନିବାର) ମଧ୍ୟାହ୍ନ ୧୨ଟାରେ ହାଇକୋର୍ଟ ଅର୍ଣ୍ଣବଙ୍କ ଆବେଦନ ଉପରେ ଶୁଣାଣି କରିବେ। ଦୁଇ ବର୍ଷ ପୁରୁଣା ଆତ୍ମହତ୍ୟା ମାମଲାରେ ସେ ଗିରଫ ହୋଇଛନ୍ତି।

ସମସ୍ତଙ୍କ କଥା ନ ଶୁଣିବା ପର୍ଯ୍ୟନ୍ତ ସେମାନେ କୌଣସି ନିର୍ଦ୍ଦେଶ ଦେବେ ନାହିଁ ବୋଲି ହାଇକୋର୍ଟ କହିଛନ୍ତି। ହାଇକୋର୍ଟ ଏହା ପୂର୍ବରୁ ରାତି ୧୧ଟାରେ ସମୟ ଦେଇଥିଲେ କିନ୍ତୁ ଅର୍ଣ୍ଣବ ଗୋସ୍ବାମୀଙ୍କ  ଓକିଲ ହରିଶ ସାଲଭେ କହିଛନ୍ତି ଯେ ସେ ଲଣ୍ଡନରେ ଅଛନ୍ତି ଯାହା ଭାରତୀୟ ସମୟଠାରୁ ସାଢେ ପାଞ୍ଚ ଘଣ୍ଟା ପଛରେ ଅଛି। ଏହି କାରଣରୁ, ଶୁଣାଣି ୧୧ଟା ପରିବର୍ତ୍ତେ ୧୨ଟାରେ ହେବ।

୨୦୧୮ରେ ଅଭୟ ନାୟକ ଏବଂ ତାଙ୍କ ମାଆଙ୍କୁ ଆତ୍ମହତ୍ୟା ପାଇଁ ଉସୁକାଇଥିବା ଅଭିଯୋଗ ହୋଇଛି । ଅର୍ଣ୍ଣବ ଗୋସ୍ବାମୀଙ୍କୁ ବୁଧବାର ମୁମ୍ବାଇର ଲୋୟର ପାରେଲରେ ଥିବା ତାଙ୍କ ଘରୁ ଗିରଫ କରାଯାଇ ପଡୋଶୀ ରାୟଗଡ ଜିଲ୍ଲାର ଆଲିବାଗ ଥାନାକୁ ନିଆଯାଇଥିଲା। ଏହା ପରେ ତାଙ୍କୁ ଆଲିବାଗ କୋର୍ଟରେ ହାଜର କରାଯାଇଥିଲା ଓ ପରେ ଯାହା ତାଙ୍କୁ ନଭେମ୍ବର ୧୮ ପର୍ଯ୍ୟନ୍ତ ବିଚାର ବିଭାଗୀୟ ହେପାଜତକୁ ପଠାଇଥିଲା।