ଆରଡି: ଗତଶୁକ୍ରବାର ସଂଧ୍ୟାରେ ଭଦ୍ରକ ଜିଲାର ଆରଡିପୀଠ ସମେତ ଆଖପାଖ ଅଞ୍ଚଳରେ କାଳବୈଶାଖୀ ପ୍ରଭାବରେ ବଡବଡ ଗଛ ଉପୁଡି ପଡିବା ସହ ବିଭିନ୍ନ ସ୍ଥାନରେ ବିଦ୍ୟୁତ ଖୁଣ୍ଟି ଭାଙ୍ଗିଯିବାରୁ ବିଦ୍ୟୁତ ସରାବର ସମ୍ପୁର୍ଣ୍ଣ ଭାବେ ଠପ ହୋଇଯାଇଥିଲା। ଏହି ଝଡବର୍ଷାରେ ପବନ ଓ ବଜ୍ରପାତ ଏତେ ପ୍ରଖର ଥିଲା ଯାହାର ପ୍ରଭାବରେ ବଡବଡ ଗଛର ଡାଳ ଭାଙ୍ଗି ପଡିବାରୁ ବିଦ୍ୟୁତ ତାର ଛିଡି ପଡିବା ସହିତ ସଂଯୋଗ କରୁଥିବା ଶଙ୍ଖ ଗୁଡିକ ଭାଙ୍ଗି ଯାଇଥିଲା। ଯାହାଫଳରେ ଆଖପାଖ ଅଞ୍ଚଳରେ ବିଦ୍ୟୁତ ସରାବର ଶନିବାର ମଧ୍ୟାହ୍ନ ଯାଏଁ ବନ୍ଦ ହୋଇଯାଇଥିବାରୁ ପିଇବା ପାଣି ସହ ଅନ୍ୟାନ ସେବା ପାଇଁ ନାହିଁ ନଥିବା ସମସ୍ୟାର ସମୁଖିନ ହୋଇଥିଲେ ସ୍ଥାନୀୟ ଲୋକମାନେ। ଅନ୍ୟପଟେ ଶୁକ୍ରବାର ରାତିରେ ଝଡବର୍ଷା ଛାଡିବା ପରେ ବିଦ୍ୟୁତ ଭିବାଗର କର୍ମଚାରୀ ସବୁ ଅଞ୍ଚଳକୁ କିଭଳି ବିଦ୍ୟୁତ୍ ସେବା ପହଞ୍ଚି ପାରିବ ଉଦ୍ୟମ ଜାରି ରଖିଥିବା ଜଣାପଡ଼ିଛି।
Comments are closed.