ଆଖଣ୍ଡଳମଣିଙ୍କ ମନ୍ଦିରରେ ପୀଠଦେବୀଙ୍କ ଆଜି ମହାନବମୀ ପୂଜା, ଜୟଦୁର୍ଗା ବେଶରେ ଦର୍ଶନ ଦେଉଛନ୍ତି ମା

ମୃଣ୍ମୟଦେବୀଙ୍କ ପୂଜା ମଣ୍ଡପରେ ମହାଷ୍ଟମୀ ପୂଜା ଓ ସଂନ୍ଧିପୂଜା

ଆରଡି : ରାଜ୍ୟର ପ୍ରମୁଖ ପର୍ଯ୍ୟଟନସ୍ଥଳି ଆରଡିଧାମର ଆଖଣ୍ଡଳମଣିଙ୍କ ମନ୍ଦିର ବେଢା ପ୍ରାଙ୍ଗଣରେ ଥିବା ପୀଠଦେବୀ ଜୟଦୁର୍ଗାଙ୍କର ପବିତ୍ର ମୂଳାଷ୍ଟମୀ ଠାରୁ ଦଶହରା ପର୍ଯ୍ୟନ୍ତ ଚାଲିଥିବା ପାର୍ବଣ ପୂଜାର ଆଜି ମାଙ୍କ ପୂଜା ମଣ୍ଡପରେ ମହାନବମୀ ପୂଜା ଅନୁଷ୍ଠିତ ହେଉଅଛି। ଭୋର ୫ଟାରେ ପହଡ ଖୋଲିବା ପରେ ରୀତିନୀତି ଅନୁଯାୟୀ ମଙ୍ଗଳ ଆଳତୀ, ମାର୍ଜନା, ମହାସ୍ନାନ, ହଳଦୀପଞ୍ଚାମୃତ ସ୍ନାନ ଆଦି ସରିବା ପରେ ମହାନବମୀ ପୂଜା ଅବସରରେ ମାଙ୍କୁ ଜୟଦୁର୍ଗା ବେଶରେ ସଜ୍ଜିତ କରାଯାଇଛି। ପରେ ଘଟସ୍ଥାପନ, ଦ୍ବାରପାଳ ପୂଜା, ସୂର୍ୟପୂଜା, ଆଦି ସରିବା ପରେ ପୂଜା ମଣ୍ଡପରେ ବ୍ରାହ୍ମଣମାନଙ୍କ ଦ୍ବାରା କୋଭିଡ କଟକଣାକୁ ଦୃଷ୍ଟିରେଲରଖି ସାମାଜିକ ଦୂରତା ରଖିବା ସହିତ ସୀମିତ ସେବାକାରୀ ଚଣ୍ଡିପାଠ ସହିତ ପଞ୍ଚ ଉପଚାର ପୂଜା କରାଯାଉଛି। ସେହି ଅପରାଜିତା ମନ୍ତ୍ରରେ ପୂଜାର୍ଚ୍ଚନା କରାଯିବା ସହ ରାତିରେ ମାଙ୍କର ଷୋଡଶ ଉପଚାର ସହିତ ସଂନ୍ଧିପୂଜା
କରାଯିବା ପରେ ହୋମ , ଆଳତୀ କରାଯିବ। ହେଲେ ଚଳିତବର୍ଷ ମହାମାରୀ କରୋନା ପାଇଁ କଟକଣା ବଳବତର ଥିବାରୁ ଭକ୍ତଙ୍କ ଦର୍ଶନ ଓ ପୂଜାର୍ଚ୍ଚନା ସମ୍ପୁର୍ଣ୍ଣ ବନ୍ଦ ରହିଛି।

ବିଶେଷକରି ମୃଣ୍ମମୟଦେବୀଙ୍କ ପୂଜାମଣ୍ଡପରେ ଆଜି ମହାଷ୍ଟମୀ ପାଳିତ ହେଉଥିବାରୁ ଉପବାସଧାରୀ ଭକ୍ତଙ୍କର ଭିଡକୁ ଦୃଷ୍ଟିରେ ରଖି ମନ୍ଦିର ପ୍ରଶାସନ ଓ ସ୍ଥାନୀୟ ପୋଲିସ ପକ୍ଷରୁ ମନ୍ଦିର ଭିତରେ ଓ ବାହାରେ କଡା ସୁରକ୍ଷା ବ୍ୟବସ୍ଥା କରାଯାଇଛି। କୋଭେଡି କଟକଣା ପାଇଁ ଭକ୍ତମାନେ ମନ୍ଦିର ବାହାରେ ଦୀପ ଜାଳିବା ସହ ପ୍ରଣାମ କରି ଫେରିଯିବା ପାଇଁ ମନ୍ଦିର ପ୍ରଶାସନ ପକ୍ଷରୁ ପରାମର୍ଶ ଦିଆଯାଇଛି। ଅନ୍ୟପଟେ ପୀଠର ମୃଣ୍ମୟ ଦେବୀ ମୂର୍ତ୍ତୀଙ୍କ ପୂଜାମଣ୍ଡପ ସମୁଖରେ ପରଦା ଟଣାଯାଇ ସମସ୍ତ ନୀତିକାନ୍ତି କରାଯାଉଛି। ରାତିରେ ମାଙ୍କ ପାଖରେ ସଂନ୍ଧି ପୂଜାରେ ଆବାହନ କରାଯାଇ କୁସୁମାଣ୍ଡ ବଳି ଓ ଆମିଷ ଭୋଗ ଲାଗି କରାଯିବ।

Comments
Loading...