କୋଭିଡ କଟକଣାରେ ଆଖଣ୍ଡଳମଣିଙ୍କ ମନ୍ଦିର ଖୋଲିବା ପ୍ରସଙ୍ଗ; ଜିଲାପାଳଙ୍କ ଅଧ୍ୟକ୍ଷତାରେ ବୈଠକ ଅନୁଷ୍ଠିତ

ଆରଡି: କରୋନା ନାମକ ମହାମରୀ ପାଇଁ ଦୀର୍ଘ ୭ମାସ ହେବ ରାଜ୍ୟର ସମସ୍ତ ମଠ ମନ୍ଦିର ସହ ପ୍ରସିଦ୍ଧ ଶୈବକ୍ଷେତ୍ର ଆରଡିଧାମର ବାବା ଆଖଣ୍ଡଳମଣିଙ୍କ ମନ୍ଦିର ବନ୍ଦ ରହିଛି। ଫଳରେ ମଣିବାବାଙ୍କ ନିକଟରେ ଲାଗି ହେଉଥିବା ଦୈନଦିନ ନୀତିକାନ୍ତି ସେବାୟତମାନେ ସୁଚାର ରୂପେ ସମ୍ପାଦନ କରିଥିବା ବେଳେ ଦୈନିକ ୫ହଜାରରୁ ଉର୍ଦ୍ଧ ଟଙ୍କା ବହନ କରୁଛନ୍ତି। ବର୍ତ୍ତମାନ କରୋନା କଟକଣାରେ ସାମନ୍ୟ ପରିବର୍ତ୍ତନ କରାଯାଇ ବିଭିନ୍ନ ଅନୁଷ୍ଠାନ ଖୋଲା ଯାଇଥିଲେ ମଧ୍ୟ ମଠ ମନ୍ଦିର ପୂର୍ବ ପରି ବନ୍ଦ ରହିଛି। ଫଳରେ ସେବାୟତମାନେ ବହୁ ଆର୍ଥିକ ସଂକଟରେ ସମୁଖିନ ହେଉଥିବା ବେଳେ ନିଜେ କିପରି ଖାଇ ବଞ୍ଚିବେ ଆଉ ଦିଅଁଙ୍କୁ କିପରି ଭୋଗ ଲଗାଇବେ ତାହା ମୁଣ୍ଡବ୍ୟଥାର କାରଣ ହୋଇଛି। ସେଥିପାଇଁ ବ୍ରାହ୍ମଣମାନେ ମନ୍ଦିର ଖୋଲିବା ପାଇଁ ସରକାରଙ୍କ ପାଖରେ ଦାବି ବାଢିବା ପରେ ଜିଲା ପ୍ରଶାସନ ସ୍ଥିତି ପରଖି ରିପୋର୍ଟ ଦେବାପାଇଁ ସରକାର ନିର୍ଦେଶନାମା ଜାରୀ କରିଛନ୍ତି। ଯାହାକୁ ନେଇ ସୋମବାର ଅପରାହ୍ଣରେ ଭଦ୍ରକ ଜିଲାପାଳ ଜ୍ଞାନ ଦାସଙ୍କ ଅଧ୍ୟକ୍ଷତାରେ ଏକ ବୈଠକ ଅନୁଷ୍ଠିତ ହୋଇଥିଲା। ଉକ୍ତ ବୈଠକରେ ମନ୍ଦିର ଟ୍ରଷ୍ଟି ତଥା ଉପଜିଲାପାଳ ପିତାମ୍ବର ସାମଲ, ପ୍ରକଳ୍ପନିଦେର୍ଶକ ମଧୁସୂଦନ ଦାସ, ଆଡିସନାଲ ଏସପି, ମନ୍ଦିରର ସେବାୟତ, କନିକାରାଜାଙ୍କ ପ୍ରତିନିଧି ଓ ସ୍ତାନୀୟ ପୁଲିସ ଉପସ୍ଥିତ ଥିଲେ। ଏହି ବୈଠକରେ ସର୍ବପ୍ରଥମେ ସେବାୟତ ତାଙ୍କର ପକ୍ଷ ରଖିବା ପରେ ପୋଲିସ ଓ ଅନ୍ୟାନ ଅଧିକାରୀ ତାଙ୍କର ମତ ରଖିଥିଲେ। ସର୍ବପରି ବାବା ଆଖଣ୍ଡଳମଣିଙ୍କ ମନ୍ଦିର ସଂର୍କିନତା ଥିବା ବେଳେ ପୀଠଲୁ ଜନବସତି ଘେରି ରହିଛି। ତାହାସହ ଦୈନଦିନ ଅପେକ୍ଷା ସୋମବାର ଓ ଅନ୍ୟାନ ପର୍ବପର୍ବାଣୀରେ ହଜାର-ହଜାର ଭକ୍ତଙ୍କ ସମାଗମ ପୀଠରେ ହୋଇଥାଏ। ଏପରି ସ୍ଥଳେ କୋଭିଡ କଟକଣା ମଧ୍ୟରେ ମନ୍ଦିରରେ ସମସ୍ତ କାର୍ଯ୍ୟ ହେବା ବାଧା ସୃଷ୍ଟି ହୋଇ ପାରେ ବୋଲି ମନ୍ଦିର ଟ୍ରଷ୍ଟ ପକ୍ଷରୁ ସୂଚନା ଦିଆଯାଇଥିବା ବେଳେ ଆଗକୁ କାର୍ତ୍ତିକ ବ୍ରତ ରହିଥିବାରୁ ଭକ୍ତଙ୍କ ସଂଖ୍ୟା ବୃଦ୍ଧି ପାଇବ ବୋଲି ଉଭୟଙ୍କ ପକ୍ଷରୁ ଆଲୋଚନା ହୋଇଥିଲା। ଅନ୍ୟପଟେ ସେବାୟତମାନେ ଦୀର୍ଘ ୭ମାସରୁ ଉର୍ଦ୍ଧ ହେବ ଦାନ-ଦକ୍ଷିଣା ପାଉନଥୁବାରୁ ବହୁ ଅସୁବିଧାରେ ଚଳିବା ସହ ଦିଅଁଙ୍କ ନୀତିକାନ୍ତି କରି ଆସୁଛନ୍ତି, ଏପରିସ୍ଥଳେ ସେବାୟତମାନଙ୍କୁ ଆର୍ଥିକ ସହୟତା ଯୋଗାଇ ଦେବା ପାଇଁ ସେବାୟତମାନେ ଉପସ୍ଥାପନ କରିଥିଲେ। ଏପରି ସମସ୍ତଙ୍କ ପକ୍ଷକୁ ରାଜ୍ୟ ସରକାରଙ୍କ ନିକଟକୁ ପଠାଯିବ ବୋଲି ଜିଲାପାଳ ଶ୍ରୀ ଦାସ ପ୍ରକାଶ କରିଥିଲେ।

Comments
Loading...