ଅଲୱର ମାମଲା: ରାଜସ୍ଥାନ ସରକାରଙ୍କୁ ଜବାବ୍‍ ମାଗିଲେ ସୁପ୍ରିମକୋର୍ଟ

0

ନୂଆଦିଲ୍ଲୀ : ରାଜସ୍ଥାନର ଅଲୱରଠାରେ ଜଣେ ବ୍ୟକ୍ତିଙ୍କୁ ଗୋଷ୍ଠୀବଦ୍ଧ ଆକ୍ରମଣ ପୂର୍ବକ ପିଟିପିଟି ହତ୍ୟା ସମ୍ବନ୍ଧୀୟ ମାମଲାରେ ସୁପ୍ରିମକୋର୍ଟ ସୋମବାର ମୁଖ୍ୟମନ୍ତ୍ରୀ ବସୁନ୍ଧରା ରାଜେଙ୍କ ନେତୃତ୍ୱାଧୀନ ରାଜ୍ୟ ସରକାରଙ୍କୁ ଜବାବ୍‍ ଲୋଡିଛନ୍ତି। ଏଯାବତ୍‍ ଏହି ମାମଲାରେ ରାଜ୍ୟ ସରକାର କି ପଦକ୍ଷେପ ଗ୍ରହଣ କରିଛନ୍ତି ସେସମ୍ବନ୍ଧରେ ବିସ୍ତୃତ ସତ୍ୟପାଠ ଦାଖଲ କରିବାକୁ ପ୍ରଧାନ ବିଚାରପତିଙ୍କ ଅଧ୍ୟକ୍ଷତାରେ ଗଠିତ ପୀଠ ରାଜ୍ୟ ସରକାରଙ୍କୁ ନିର୍ଦେଶ ଦେଇଛନ୍ତି। ମାମଲାର ପରବର୍ତ୍ତୀ ଶୁଣାଣି ଅଗଷ୍ଟ ୩୦ରେ ହେବ। ଏହା ପୂର୍ବରୁ ସମାଜସେବୀ ତୁଷାର ଗାନ୍ଧୀଙ୍କ ଏକ ଆବେଦନ ଉପରେ ଶୁଣାଣି କରି ସୁପ୍ରିମକୋର୍ଟ ଗୋଷ୍ଠୀବଦ୍ଧ ଆକ୍ରମଣ ପୂର୍ବକ ହତ୍ୟା ଘଟଣା ରୋକିବା ନେଇ ନିର୍ଦେଶାବଳୀ ଜାରି କରିଥିଲେ। ଜୁଲାଇ ୨୦ରେ ଅଲୱର ଜିଲା ଅନ୍ତର୍ଗତ ରାମଗଡଠାରେ ରକବର ଖାନ୍‍ ନାମକ ଜଣେ ବ୍ୟକ୍ତିଙ୍କୁ ଗୋଚାଲାଣକାରୀ ସନ୍ଦେହରେ କିଛି ଲୋକ ପିଟିପିଟି ହତ୍ୟା କରିଥିଲେ।

Comments
Loading...