ଆଣ୍ଟି-ଟ୍ୟାଙ୍କ୍ କ୍ଷେପଣାସ୍ତ୍ର ‘ଧ୍ରୁବାସ୍ତ୍ର’ ପରୀକ୍ଷଣ ସଫଳ
ନୂଆଦିଲ୍ଲୀ: ହେଲିକପ୍ଟରରୁ ଲଞ୍ଚ୍ କରାଯାଇପାରୁଥିବା ‘ନାଗ’ କ୍ଷେପଣାସ୍ତ୍ର(ହେଲିନା)ର ପରୀକ୍ଷଣ ସଫଳ ହୋଇଛି। ଏହାକୁ ଏବେ ‘ଧ୍ରୁବାସ୍ତ୍ର’ ଆଣ୍ଟି ଟ୍ୟାଙ୍କ୍ କ୍ଷେପଣାସ୍ତ୍ର ନାମରେ ନାମିତ କରାଯାଇଛି। ଓଡ଼ିଶାର ବାଲେଶ୍ଵର ଜିଲାରେ ଅବସ୍ଥିତ ଆଇଟିଆରରେ ଗତ ୧୫ ଓ ୧୬ ତାରିଖରେ ଏହାର ପରୀକ୍ଷଣ କରାଯାଇଥିଲା। ବିନା ହେଲିକପ୍ଟରରେ ଏହାର ପରୀକ୍ଷଣ ହୋଇଥିଲା। ଏହାର ଭିଡିଓ ବୁଧବାର ଶେୟାର କରାଯାଇଛି।
ମିଳିଥିବା ସୂଚନା ଅନୁସାରେ, ଭାରତୀୟ ସେନାର ଧ୍ରୁବ ହେଲିକପ୍ଟର ସହିତ ଏହି କ୍ଷେପଣାସ୍ତ୍ର ବ୍ୟବହାର କରାଯିବ। ମେକ୍ ଇନ୍ ଇଣ୍ଡିଆ କାର୍ଯ୍ୟକ୍ରମରେ ଏହି କ୍ଷେପଣାସ୍ତ୍ରକୁ ଭାରତରେ ପ୍ରସ୍ତୁତ କରାଯାଇଛି। ଏହାର ୪ କି.ମି. ଦୂରତା ପର୍ଯ୍ୟନ୍ତ ଲକ୍ଷ୍ୟଭେଦ କରିପାରିବ। ଶତ୍ରୁ ପକ୍ଷର ଯେକୌଣସି ଟ୍ୟାଙ୍କ୍କୁ ଏହି କ୍ଷେପଣାସ୍ତ୍ର ନିମିଷକ ମଧ୍ୟରେ ଧ୍ଵଂସ କରିଦେବାର କ୍ଷମତା ରଖିଛି। ସୂଚନାଯୋଗ୍ୟ, ଧ୍ରୁବ ହେଲିକପ୍ଟର ମଧ୍ୟ ସ୍ବଦେଶୀ ଜ୍ଞାନକୌଶଳରେ ନିର୍ମିତ।
#WATCH Trials of Helicopter-launched Nag Missile (HELINA), now named Dhruvastra anti-tank guided missile in direct and top attack mode. The flight trials were conducted on 15&16 July at ITR Balasore (Odisha). This is done without helicopter. pic.twitter.com/C8hMj0VhDE
— ANI (@ANI) July 22, 2020
Comments are closed.